Hadithi i 16-të

Ebu Musa, Allahu qoftë i kënaqur me të, thotë se i Dërguari i Allahut, lavdërimi dhe shpëtimi i Allahut qoftë mbi të, ka thënë: “Besimtari për besimtarin është si ndërtesë, një pjesë shtrëngon pjesën tjetër” dhe bëri me shenjë duke shtrënguar gishtërinjtë.” (Shënon Buhariu)

Çfarë përfitohet nga hadithi:
Besimtarët kujdesen për raportet e tyre të ndërsjella.
Besimtarët në fuqinë e tyre janë si një ndërtesë e fortifikuar mirë.
I Dërguari i i Allahut, lavdërimi dhe shpëtimi i Allahut qoftë mbi të, është mësuesi më i mirë.


Hadithi i 17-të
Sehl bin Sadi, Allahu qoftë i kënaqur me të, transmeton se i Dërguari i Allahut, lavdërimi dhe shpëtimi i Allahut qoftë mbi të, ka thënë: “Unë dhe kujdestari i jetimit jemi kështu në xhenet" dhe tregoi me gishtin tregues dhe të mesëm.” (Shënon Buhariu)

Çfarë përfitohet nga hadithi:
Kujdesi dhe interesimi i Islamit për jetimët.
Shpërblimi i madh në botën tjetër për kujdestarin e jetimit.
Islami është fe e bashkimit.
I Dërguari i Allahut, lavdërimi dhe shpëtimi i Allahut, mësuesi më i mirë, sqaron madje duke bërë me shenja e të ngjashme me to.


Hadithi i 18-të
Ebu Hurejra, Allahu qoftë i kënaqur me të, thotë se i Dërguari i Allahut, lavdërimi dhe shpëtimi i Allahut qoftë mbi të, ka thënë: “Mos ta urrejë besimtari besimtaren, ngase nëse ai urren një virtyt (të sajin), pëlqen një tjetër (virtyt).” (Shënon Muslimi)

Çfarë përfitohet nga hadithi:
Islami gjithnjë kujdeset për familjen.
Islami nxit për durim, sidomos ndaj bashkëshortes.
Muslimani duhet të jetë i drejtë dhe t’i shikojë të mirat e bashkëshortes ashtu siç i shikon gabimet e saj.
 

Përgatiti: Almedin Ejupi
2.11.2007