Hadithi i 34-ët

Xhabir bin Abdullahu, Allahu qoftë i kënaqur me të, transmeton se i Dërguari i Allahut, lavdërimi dhe shpëtimi i Allahut qoftë mbi të, e ka mallkuar dhënësin e kamatës, atë që e merr dhe e ha kamatën, dëshmitarët dhe shkruesin e kontratës së kamatës, duke thënë se të gjithë këta janë të barabartë në dënim. (Shënon Muslimi)

Çfarë përfitohet nga hadithi:
Lejimi i mallkimit të mëkatarëve.
Rrezikshmëria e të punuarit me kamatë.
Nuk lejohet ndihma e të tjerëve në harame (të ndaluarat).
Kamata është ndër mëkatet e mëdha.
Mjetet fitojnë dispozitat e synimeve.


Hadithi i 35-të

Safija, Allahu qoftë i kënaqur me të, transmeton prej disa nga gratë e të Dërguarit të Allahut, lavdërimi dhe shpëtimi i Allahut qoftë mbi të, se ka thënë: “Kush shkon te fallxhori dhe e pyet atë për ndonjë gjë, namazi i tij nuk pranohet dyzet net.” (Shënon Muslimi)

Çfarë përfitohet nga hadithi:
Islami i lufton ata që pretendojnë se dinë fshehtësitë.
Allahu i Lartësuar është i Vetmi i Cili di dituritë e fshehta.
Nuk lejohet shkuarja tek ata që pretendojnë se dinë të fshehtën.
Kushdo që shkon tek ata që pretendojnë se dinë të fshehtën, namazi i tyre nuk do të pranohet dyzet net.
Shkuarja tek fallxhorët konsiderohet prej mëkateve të mëdha.


Hadithi i 36-të

Xhabir bin Abdullahu, Allahu qoftë i kënaqur prej tij, thotë se i Dërguari i Allahut, lavdërimi dhe shpëtimi i Allahut qoftë mbi të, ka thënë: “Në mes njeriut, shirkut dhe kufrit është lënia e namazit.” (Shënon Muslimi)

Çfarë përfitohet nga hadithi:
Namazi konsiderohet çështje madhore në Islam.
Kush e lë namazin, ka bërë shirk.
Kush e lë namazin, ka bërë kufër.
Besimi (imani) është fjalë dhe vepër.
 

Përgatiti: Almedin Ejupi
14.12.2007