Përgjigja:

Falenderimet i takojnë Allahut, paqja dhe bekimet e Tij qofshim mbi të dërguarin e Tij Muhamed, mbi familjen, shokët dhe të gjithë ata që ndjekin rrugën e tij deri në Ditën e Gjykimit.

Sa i përket faljes së Profetit (Paqja dhe bekimi i Allahut qofshin mbi të!), me tekbire apo pa tekbire, ashtu siç shpreheni ju, mund të lexoni gjërsisht këtë çështje në temën “Ngritja e duarve gjatë tekbireve në namaz”(http://www.klubikulturor.com/A%20duhet%20ti%20ngeme%20duart%20ne%20namaz.htm)  në rubrikën e temave të fikhut, po në këtë faqe. Aty është sqaruar detajisht kjo, prandaj ju rekomandojmë të ktheheni atje për ta lexuar.

Por, këtu duhet të bëjmë një vërejtje, ajo është se shumë prej muslimanëve e ngatërrojnë çështjen e ngritjes së duarve dhe tekbiret në namaz, është fjala në emërtimin e tyre. Falja e namazit me tekbire nuk do të thotë t`i ngremë duart, por “tekbire” do të thotë thënia “Allahu ekber”, dhe të falet namazi me tekbire do të thotë duke thënë “Allahu ekber”. Kështu që pyetja e drejtë në këtë rast do të ishte se a është falë pejgamberi (salallahu alejhi ue selem) duke i ngritur duart gjatë tekbireve apo jo? Allahu e di më së miri.

Alaudin Abazi

19.01.2006