·        Imani i sinqertë dhe puna e mirë.

·        Shtimi i përmendjes së Allahut (dhikrit) dhe i leximit të Kuranit.

·        Shtimi i pendimit dhe i kërkimit të faljes (istigfarit).

·        Duaja për të mirën e kësaj bote dhe tjetrës.

·        Mirësia me njerëzit në fjalë dhe vepra, me të gjitha llojet e të mirës si: lëmosha, bamirësia, mbajtja e lidhjeve, dhënia e selamit, të pajtuarit e dy vetëve etj.

·        Pasimi i të keqes me të mirë.

·        Kujdesi për faljen e namazit me xhemat.

·        Largimi nga vetmia dhe koha e lirë.

·        Angazhimi me ndonjë punë prej punëve të dobishme, apo me ndonjë dije prej dijeve të dobishme.

·        Përmendja e mirësive, të dukshmet dhe të fshehtat, duke patur si qëllim falenderimin (për Allahun) dhe jo mendjemadhësinë.

·        Të krahasosh vështirësitë me begatitë.

·        Kujto fatkeqsitë e të tjerëve, që të të duken të lehta fatkeqësitë e tua.

·        Të shikuarit e atij që është poshtë teje në çështjet e dynjasë dhe të shikuarit e atij që është më lart se ti në çështjet e fesë.

·        Mospasja lakmi dhe të kënaqurit me atë që ke.

·        Të llogariturit e shpërblimit të çdo pune, e vogël apo e madhe qoftë.

·        Të besuarit në caktimin e Allahut dhe  dorëzimi ndaj Allahut në çdo çështje.

·        Të mbështeturit vetëm në Allahun duke i kryer shkaqet e lejuara që të çojnë në realizimin e asaj pune.

·        Të mësuarit e vetes të jetojë në mënyra të ndryshme, në mënyrë që të mos befasohet kur t`i ndodhë ndonjë gjë e papritur.

·        Kujto se dynjaja është e shkurtër, ndaj nuk është mirë që ta shkurtosh atë me mërzitje dhe pikëllime.

·        Largimi prej zemërimit dhe shkaqeve që të çojnë në të.

·        T’i kërkosh mbrojtje Allahut nga shejtani i mallkuar dhe të largohesh nga paragjykimet.

·        Të tregosh kujdes për t’i dhënë çdokujt hakun e vet.

·        Fjalët e njerëzve nuk të dëmtojnë kurrë, vetëm nëse merresh me to.

·        Ta dish se kënaqësia e njerëzve është një qëllim që s’mund të arrihet.

·        Të larguarit nga smira  dhe të dojë njeriu për vëllezërit e tij, atë që do për veten e tij.

·        Të largohesh nga inatet dhe të kujdesesh që ta kesh zemrën të pastër për muslimanët.

·        Të afrohesh me njerëzit e mirë dhe të largohesh nga të këqinjtë.

·        Të kujtosh atë që u ka përgatitur Allahu në xhenet besimtarëve prej begative të përhershme.

·        Të pranosh sugjerimet dhe këshillat nga cilido që të të vijnë.

Përgatiti: Erion Sula