S’ka dyshim se një nga qëllimet më kryesore në jetën familjare për muslimanët është përmirësimi i gjendjes familjare. Në pika të shkurtëra dhe të argumentuara do të keni mundësi të lexoni më poshtë disa këshilla për përmirësimin e gjendjes familjare, si dhe shkaqet që çojnë drejt tyre.

1. Mbrojtja e vetvetes dhe familjes nga zjarri i xhehenemit. Allahu i Lartësuar thotë: “O ju që besuat! Ruajeni veten dhe familjen tuaj prej zjarrit, lënda djegëse e të cilit janë njerëzit dhe gurët. Atë (zjarrin) e mbikëqyrin engjëjt të rreptë e të ashpër që nuk e kundërshtojnë Allahun për asgjë që Ai i urdhëron dhe punojnë atë që janë të urdhëruar.” Tahrim, 6.

2. Përgjegjësia e madhe që ka përgjegjësi i familjes para Allahut të Lartësuar në Ditën e Gjykimit. I dërguari i Allahut (Paqja dhe bekimi i Allahut qofshin mbi të!) ka thënë: “Allahu i Madhëruar do ta pyes çdo bari (përgjegjës) për tufën që e ka patur nën përgjegjësinë e tij se a e ka ruajtur apo e ka humbur. Ai do të pyetet edhe për anëtarët e shtrëpisë së vet.” Transmeton Ibn Hibani (hadithi është hasen).

3. Pasi shtëpia është vendi ku mbrojmë veten, jemi të qetë prej të këqiave dhe është vendi ku muslimani duhet të rrijë gjatë kohës së fitneve, atëherë duhet dhënë rëndësi të ndenjurit në shtëpi, pasi Muhamedi (Paqja dhe bekimi i Allahut qofshin mbi të!) ka thënë: “Xheneti qoftë për atë që mbisundon gjuhën, i mjafton shtëpia e vet dhe për atë që qan mëkatin e tij.” Transmeton Taberaniu (hadithi është hasen).

Muhamedi (Paqja dhe bekimi i Allahut qofshin mbi të!) ka thënë: “Ai që bën njërën nga këto katër vepra, Allahu i Lartësuar do ta sigurojë: atë që viziton një të sëmurë; atë që del për të luftuar; atë që hyn tek imami (kryetari) për ta ndihmuar; atë që rri në shtëpi dhe njerëzit janë të qetë prej tij dhe ai është i qetë prej tyre.” Transmeton Ahmedi.

Muhamedi (Paqja dhe bekimi i Allahut qofshin mbi të!) ka thënë: “Shpëtimi i njeriut gjatë kohës së fitneve është të qëndruarit në shtëpinë e vet.” Transmeton Ibn ebi Asimi në librin e tij “Suneh”, hadithi është sahih.

Muslimani mund ta shikojë dobinë e kësaj çëshje në kohën e vetmisë, në kohën kur nuk do të mund të ndryshojë shumë vepra të këqia, në këtë rast shtëpia i bëhet vendbanim në të cilën e mbron veten prej veprës së ndaluar. Gjithashtu, mbron familjen e vet nga lakuriqësia, ndërsa fëmijët e vet nga shoqëia e keqe.

4. Njerëzit pjesën më të madhe të kohës së tyre e kalojnë në shtëpi, sidomos kur është shumë nxehtë ose kur është shumë ftohtë, kur bie shi, pasi të kryejnë punën, pas mësimit etj. Për këtë shkak, këtë kohë që e kalojnë në shtëpi, duhet kaluar me vepra të mira me të cilat është i kënaqur Allahu i Madhëruar, e jo me gjëra të ndaluara.

5. Shtëpia është faktor i rëndësishëm për ndërtimin e shoqërisë islame, ngase qeliza kryesore e shoqërisë është shtëpia (familja). Çdo shtëpi është një tullë në shoqëri. Nëse këto tulla janë të mira, kjo shtëpi do të bëhet aq e fortë, sa që do t’i bënte ballë armiqëve të Allahut, në të do të përhapej e mira dhe do të ndalohej e keqja.

Nga edukata e shëndoshë familjare mund të dalin burra që do të përmirësojnë shoqërinë, mund të dalin thirrës shembullorë, kërkues të diturisë, luftëtarë të sinqertë, femra të ndershme, nëna edukatore etj.

Shkëputur nga nga “40 këshilla për përmirësimin e gjendjes familjare” të Muhamed Salih Munexhid