Falënderimi i takon vetëm Allahut të Lartësuar. Të vetmit i mbështetemi dhe prej të vetmit udhëzim kërkojmë, kërkojmë mbështetje tek Allahu nga shpirtrat tonë që mendojnë të bëjnë keq dhe nga veprat tona që Allahu i urren.

Atë që e udhëzon Allahu s’ka kush që e humb dhe atë që e humb s’ka kush e udhëzon. Salavatet dhe selamet qofshin mbi të dërguarin dhe më të ndershmin Muhamedin, të birin e Abdullahut, mbi familjen e tij dhe shokët e tij të ndershëm dhe besnik deri në Ditën e Gjykimit.

Motër Muslimane!

Të parashtroj një pyetje të thjeshtë dhe të qartë, e për ty vlen përgjigja e saktë dhe përfundimtare:

Pyetja: A e përballon trupi yt zjarrin? Allahu na ruajt prej tij!

Përgjigja: Shumë bukur oj motër, natyrisht që jo, për Zotin nuk e përballon!

Atëherë pse, oj motër, nuk e keni frikë zjarrin që temperatura e tij është e shumëfishuar nga ajo e zjarrit të dynjasë, temperaturë dhe flakë.

- Çfarë mendon ti, oj motër, të kesh frikë nga temperatura e kësaj bote që shumë shpejt mund të largohet dhe të shërohesh nga djegia e saj, edhe në qoftë se është një djegie e thjeshtë. E nuk keni frikë, oj motër, nga temperatura e ahiretit, Allahu na ruajt prej saj! Unë, sikur që po të shoh, në qoftë se e vë dorën mbi një sasi zjarri do të kthehesh dhe do të kesh frikë me një copë stofi, pra të llogarisësh që veprat e mira  janë të ngjashme me një copë stofi që me të të keni frikë temperaturën e zjarrit Ditën e Gjykimit.

Kërkojmë mbështetjen tek Allahu nga dënimi i zjarrit dhe kërkojmë prej Allahut të Lartësuar xhenetin më të mirë!

Për ty, oj motër, kemi 10 këshilla të cilat i kemi titulluar “Raste të çmueshme”:

Këshilla e parë:

Kushtoji rëndësi kryerjes (faljes) së namazit në kohë të caktuar!

Allahu ta mundësoftë me përpikëri dhe kujdes në kryerjen e namazit me përulje dhe vëmendje e jo me përtesë dhe duke mos i kushtuar rëndësi namazit.

Allahu i Lartësuar thotë: “Atëherë pra  mjerë për ata që falen (për sy e faqe si hipokritët) të cilët janë të pakujdesshëm për namazin e tyre (duke i vonuar nga koha e përcaktimit për falje).” (Maun, 4-5). Ai nuk ka thënë ata që nuk falen, por që falen e janë të pakujdesshëm për namazin e tyre, pra sa të janë të lirë nga punët e tyre dhe çështjet e tyre (të kësaj bote) kthehen dhe e falin namazin jo me rëndësi dhe pakujdesi ndaj tij.

Dhe fjala ‘uejl’ d.m.th. një luginë prej luginave të xhehenemit, Allahu na ruajt prej saj!

Pra, oj motër, ti je përgjegjëse për namazin tënd në Ditën e Kiametit, në qoftë se atë e ke mirë, të gjitha veprat i ke mirë, e në qoftë se atë e ke të prishur, të gjitha veprat prishen. Pra pse, oj motër, e humbni mundin tuaj kot e kot?

Përfito pesë gjëra para pesë të tjerave:

1) shëndetin para sëmundjes;

2) jetën para vdekjes;

3) rininë para pleqërisë;

4) pasurinë para varfërisë;

5) kohën e lirë para punës. 

I Dërguari ( salallahu alejhi ue selem) ka thënë: “Nuk do t’i pushojnë këmbët e birit të Ademit në Ditën e Gjykimit deri sa të pyetet për rininë e tij ku e ka kaluar, për pasurinë e tij si e ka fituar dhe ku e ka shpenzuar dhe për jetën e tij si e ka përfunduar.”

Këshilla e dytë:

Kushtoji rëndësi, oj motër, namazit të sabahut (aktivizo zilen e orës) siç e bën të bjerë kur ke ndonjë nevojë dynjaje (pra ta kryejë ndonjë punë që ka të bëjë me çështjet e kësaj bote). Zgjoji ata që i ke pranë teje e sidomos burrin tënd dhe fëmijët e tu, si dhe të gjithë të afërmit. Kështu që, të fitosh shpërblimin e tyre, të kesh durim dhe mos përto e llogarit shpërblimin vetëm prej Allahut të Lartësuar.

Këshilla e tretë:

Kushtoi rëndësi -Allahu ta mundësoftë – t’i falësh sunetet e ato nuk të marrin shumë kohë dhe llogarit shpërblimin vetëm prej Allahut të Lartësuar.

Fali dy rekatë para farzit të sabahut dhe dy +dy para farzit të drekës dhe dy pas saj, duke u bazuar në thënien e të Dërguarit ( salallahu alejhi ue selem ): “Kush i falë katër rekate para farzit të drekës dhe katër pas saj, Allahu ndalon që fytyra e tij ta shijojë zjarrin e xhehenemit.” Transmeton imam Ahmedi dhe Tirmidhiu.

Fali dy rekatë pas namazit të akshamit, dy pas namazit të jacisë, kështu që përmblidhen në dymbëdhjetë regate, duke u bazuar në thënien e të Dërguarit (salallahu alejhi ue selem): Çdo rob i Allahut të Lartësuar që i falë çdo ditë dymbëdhjetë rekatë vullnetare, Allahu do t’ia ndërtojë shtëpinë në xhenet.” Apo: “...i është ndërtuar shtëpi në xhenet.” Transmeton imam Muslimi.

Fal prej namazeve nafile shumë e shumë që janë: si namazi i vitrit –më së paku tre rekatë, para se të flesh dy rekatë dhe një rekat. Kërko prej Allahut të Lartësuar ç’të dëshirosh në këtë botë dhe në botën tjetër dhe mos e harro namazin e duhasë, sepse është mirësi dhe e ke të lirë, mund të falesh prej dy rekatë e sa të duash, sepse këto namaze ta rrisin apo ta shtojnë gradën tënde tek Allahu dhe ta rëndojnë peshoren në Ditën e Gjykimit dhe t’i shlyejnë gjynahet në atë ditë kur nuk të sjell dobi as pasuria, as fëmija. Allahu i Lartësuar thotë: “Kësisoj, kushdo që bëri mirësi sa një thërrmijë qoftë (apo sa një milingonë) do ta shohë atë dhe kushdo që bën keq sa një thërrmijë qoftë (apo sa një milingonë) do ta shohë atë.” Zelzele, 7-8.

Sunetet e renditura:

- Koha e namazeve sunet:

- 2 rekate para farzit  të sabahut, 4 para drekës , 2 pas drekës, 2 rekate pas akshamit dhe 2 pas jacisë.

Këshilla e katërt :

Kushtoi rëndësi, oj motër, në çdo kohë dhiarit (përmendjes së Allahut të Lartësuar).

Duke u bazuar në dhikrin e të Dërguarit (salallahu alejhi ue selem), duasë, të drejtuarit ndaj Allahut sa herë që të ngushtohet puna, e assesi mos u drejto ndonjë krijese, por drejtohu Zotit të Krijesave, Një i Vetëm i Plotfuqishëm që t’i përgjigjet kërkesës tënde, por ti, oj motër, kujdes kohëve kur Allahu i përgjigjet kërkesës, prej tyre pjesa e tretë e fundit e natës, sepse Allahu zbret në qiellin e tokës mu në atë kohë dhe thotë: “A ka kush që lutet e Unë t’i përgjigjem lutjes së tij dhe a ka kush që kërkon diçka e Unë t’i japë atij.” Gjithashtu orë e përgjigjes së duasë është në ditën e xhuma, e cila zgjat deri në kohë të akshamit dhe pas çdo ezani të çdo kohe namazi. Pra, oj motër, përse po i humb këto raste që i ke pranë duarve të tua? Allahu ta mundësoftë dhe të ruajt nga të ligat!

Këshilla e pestë:

Kushtoi rëndësi, oj motër, Allahu të dhëntë bereqet, agjërimit që ta meritosh shpërblimin vetëm prej Allahut, pastroje veten tënde nga mëkatet dhe largohu agjërimit të ndaluar.

Agjërimi i pëlqyer: (mustehab)

1) Agjërimi i ditës së hënë dhe të enjte.

2) Agjërimi i ditëve të bardha të çdo muaji:13,14,15.

3) Agjërimi i ditës së ashurasë 10 Muharrem.

4) Agjërimi i ditës së arafatit 9 dhulhixhxhe, për jo haxhiun.

5) Agjërimi i gjashtë ditëve të muajit  sheual.

Agjërimi i ndaluar: (haram)

1) Agjërimi i ditës së xhuma apo të shtunë duke i veçuar.

2) Agjërimi i ditës së dyshimtë (para se të hyjnë muaji i ramazanit).

3) Agjërimi i ditës së Fitër dhe Kurban Bajramit.

4) Agjërimi i ditëve të teshrikut: 11, 12 , 13 prej muajit dhulhixhe.

Këshilla e gjashtë:

Kushtoji rëndësi, oj motër, kryerjes së detyrave të tua, në mënyrë të plotë dhe të kompletuar, sepse ti, oj motër, je përgjegjëse për to, pra kryj detyrat tua ndaj prindërve, burrit, fëmijëve, shtëpisë. I Dërguari (salallahu alejhi ue selem) ka thënë: “Çdo njeri prej jush është bari dhe çdo njëri prej jush është përgjegjës për kopenë e tij.”

Këshilla e shtatë:

Kushtoji rëndësi, oj motër, mbulesës! Mbulohu, Allahu të mbuloftë me iman! Në daljen tënde prej shtëpisë mbulohu me mbulesën dhe bëje të jetë mbulojë prej kokës tënde e deri në fundin e këmbëve të tua. Largohu, oj motër, të gjitha mbulesave të reja, mbuloje fytyrën tënde me diçka që ti shef e ata nuk të shohin ty, sepse kush ka frikë Allahun,  Allahu i ndihmon dhe ia mundëson.

Mos vish, oj motër, të shkurtra e të ngushta apo pantallona, largohu ngjashmërisë së burrave apo grave të jobesimtarëve.

Mos e humb turpin tënd se i Dërguari (salallahu alejhi ue selem) kishte turp më tepër se një  e virgjër dhe kështu, ti, oj nënë, je përgjegjëse për vajzën tënde për daljen e saj me të veshura ngushtë apo me pantallona, sepse ato kanë kaluar kohën e fëmijërisë e mos i ktheni në të njëjtën kohë, sepse kush adaptohet me një gjë mbetet me të, e kur të rritet vështirë është ndryshimi.

Këshilla e tetë:

Largohu, oj motër, të parfumosurit gjatë daljes tënde nga shtëpia, sepse transmetohet se Pejgamberi (alejhi selam) ka thënë: “Ajo grua që del nga shtëpia e saj e parfumosur dhe kalon përreth burrave, e mallkojnë engjëjt.” Pra ki frikë Allahun, oj motër, Allahu të ndihmoftë dhe të ruajt, sepse kush ka frikë Allahun, Ai i mjafton dhe i ndihmon.

Këshilla e nëntë:

Largohu, oj motër, – Allahu të pastroftë - nga dëgjimi i muzikës, këngës dhe mos i zhyt fëmijët e tu në të, sepse dënimi është i rëndë dhe nuk përputhen kënga me Kuranin. Kënga është prej shejtanit, Kurani është prej Allahut. Transmetohet se i Dërguari (salallahu alejhi ue selem) kur u ngrit në (Isra dhe Miraxh) pa njerëz që po dënoheshin, si po dënoheshin po ju hidhet plumb i nxehtë në veshët e tyre. Dhe pyeti i Dërguari (salallahu alejhi ue selem) ç’është halli i këtyre? I thanë: “Këta janë që kanë dëgjuar muzikë (pra adhurues apo dëgjues të këngës. Pra, oj motër, kush e lë diçka për Allahun, Allahu ia zëvendëson me shumë të mira, kërkojmë vetëm prej mirësive të Allahut.

Këshilla e dhjetë:

Pra, oj motër, kujto se ne në këtë botë jemi udhëtarë, kjo botë është vendkalimi e jo vend qëndrimi dhe kur kujton këtë kujto që të gjithë ne do të vdesim dhe do të kthehemi tek Allahu e kjo, oj motër, të bën më të kujdesshme ndaj frikës së sinqertë dhe përfilljes së urdhrit dhe respektit ndaj Allahut. Ku janë të dashurit, të afërmit, shokët?! Kanë shkuar dhe nuk do ti ndjekim, por lusim Allahun të na bashkojë neve dhe juve në xhenetin e Tij.

Kjo është e gjithë ajo që kisha  përgatitur, Allahu e di më mirë, kërkoj prej tij ta pranojë këtë vepër dhe mund.                                                            

Përktheu: Xhemali Halimi

07.07.2006