(Paqja dhe bekimi i  Allahut qofshin mbi të!)

     Enes ibn Malik thotë se Pejgamberi (Paqja dhe bekimi i  Allahut qofshin mbi të!) kishte shtat mesatar, duke mos qenë as shumë i gjatë, as shumë i shkurtër. Fytyrën e kishte mjaft simetrike, ndërsa flokët nuk i kishte shumë kaçurrela apo shumë të drejta. Pamja e tij ishte burrërore.

     Ibrahim ibn Muhamed ibn Ali ibn Ebu Talib thotë: “ Zemra e tij ishte shumë më e dlirë se ajo e të tjerëve. Fjalët e tij ishin shumë më të vërteta se e të tjerëve. Për nga natyra ishte shumë më i butë se të tjerët. Në jetën shoqërore ishte më bujar se të tjerët. Kushdo që e takonte, papritmas ndiente respekt për të. Kushdo që e njihte nuk mund të mos e donte.” Trguesi i hadithit thotë se kurrë më parë nuk kishte parë dikë të ngjashëm me të.

     Hindi thotë se Pejgamberi (Paqja dhe bekimi i  Allahut qofshin mbi të!) ishte i madh, në fakt ai ishte vet madhështia. Fytyra e tij shndëriste si hëna e plotë. Kishte peshë mesatare, anonte nga gjatësia, por ishte më i shkurtër se njerëzit gjatë. Ecte lehtë dhe në mënyrë të sigurtë, sikur zbret nga një shkallë më e lartë në një më të ulët. Sa herë që shikonte diçka, shikonte drejt në të. Sytë e tij zakonisht ishin të ulur, më tepër të drejtuar nga toka se sa nga qielli. Gjërat e kësaj bote Pejgamberi (Paqja dhe bekimi i  Allahut qofshin mbi të!) i shikonte me bisht të syrit. Pasuesit e tij i lejonte të ecnin përpara, ndërsa kur takohej me muslimanë të tjerë, i përshëndeste i pari.

     Xhabir ibn Semureh thotë: “Pejgamberi i Allahut (Paqja dhe bekimi i  Allahut qofshin mbi të!) kishte gojë të gjerë. Sytë i kishte ngjyrë kafe e të ndritshëm. Njërerë e pashë Pejgamberin (Paqja dhe bekimi i  Allahut qofshin mbi të!) në dritën e hënës, kishte hedhur mbi trup një mantel të kuq dhe unë me qëllim e pashë përballë hënës, ai mu duk më i bukur se vetë hëna.

     Ebu Hurejre thotë se Pejgamberi (Paqja dhe bekimi i  Allahut qofshin mbi të!) kishte një pamje sikur të ishte bërë nga argjendi. Në flokët e tij kishte një baluke.

     Seid el Xhurejri tregon se e ka dëgjuar Ebu Tufejlin duke thënë se e kishte parë Pejgamberin (Paqja dhe bekimi i  Allahut qofshin mbi të!), pastaj Seidi kërkoi nga ai që ta përshkruaj Pejgamberin (Paqja dhe bekimi i  Allahut qofshin mbi të!). Ai u përgjigj duke thënë se Pejgamberi (Paqja dhe bekimi i  Allahut qofshin mbi të!) kishte pamje të skuqur në të bardhë, ishte i bukur dhe kishte sjellje të matur.

     Ebu Bekri i tha Pejgamberit (Paqja dhe bekimi i  Allahut qofshin mbi të!) se megjithëse ishte në gjendje të mirë fizike, dukej i mplakur. Pejgamberi (Paqja dhe bekimi i  Allahut qofshin mbi të!) i është përgjigjur se ajetet  e kanë plakur atë, pasi në ato (ajete) përshkruhet Dita e Gjykimit dhe xhehenemi. Atë e plakën ankthi dhe brenga për njerëzimin.

     Ebu Seid el Hudrij thotë se kur Pejgamberi (Paqja dhe bekimi i  Allahut qofshin mbi të!) vishej me rroba të reja, atëherë thoshte se Allahut i takonte falenderimi që i kishte dhuruar rroba të reja, pastaj fillonte të lutej…”

   Semureh ibn Xhundub tregon se Pejgamberi (Paqja dhe bekimi i  Allahut qofshin mbi të!) ka thënë: “Vishuni me rroba të bardha! Ato vërtet, janë të pastra dhe të dëlira. Edhe kur të vdisni vishuni me to!

    Ebu Hurejra tregon se Pejgamberi (Paqja dhe bekimi i  Allahut qofshin mbi të!) ka thënë: “Kur dikush nga ju i mbath këpucët, atëherë duhet të fillojë me këmbën e djathtë, ndërsa kur t’i zbathë duhet të fillojë me të majtën, me qëllim që e djathta të jetë e fundit.”

     Aishja thotë se përsa u përket gjërave personale, si rregullimi i flokëve, mbathja e këpucëve dhe përgatitje të tjera Pejgamberi (Paqja dhe bekimi i  Allahut qofshin mbi të!) fillonte nga e djathta.

     Ebu Hurejra (Paqja dhe bekimi i  Allahut qofshin mbi të!) thotë se kurrë nuk kishte parë diçka më të bukur se Pejgamberi (Paqja dhe bekimi i  Allahut qofshin mbi të!) nga fytyra e të cilit dukej sikur shndërriste dielli. Ai nuk kishte parë asnjë më të shpejtë në të ecur sesa Pejgamberin (Paqja dhe bekimi i  Allahut qofshin mbi të!), pasi kur ai ecte, dukej sikur vet toka rrotullohej për të. Shokët e Pejgamberit (Paqja dhe bekimi i  Allahut qofshin mbi të!) mundoheshin të mbanin hapin e Pejgamberit (Paqja dhe bekimi i  Allahut qofshin mbi të!).

_________________

Fjala është për ajetet e sureve: Hud, Uakia, Murselat, Nebe, Tekuir.

Shkëputur nga "Përmbledhje e haditheve nga Shemail" të Tirmidhiut

Përgatiti: Erion Sula