Vërtet dynjaja për xhenetin dhe zjarrin është rrugë

                        dhe netët janë magazinë për njeriun e ditët për të treg.

Vërtet, o vëlla, dynjaja është vend udhëtimi nuk është vend i përjetshëm, ajo është kalimtare dhe jo vend lumturie, ndaj kërkohet për besimtarin që të jetë në të si udhëtar, dhe t'i përgatisë plaçkat e tij për udhëtimin përfundimtar.

Ndaj i lumtur është ai i cili merr në këtë udhëtim atë me çka arrin në kënaqësinë e Allahut të Madhëruar dhe fitimin e xhenetit e largimin nga zjarri.

Janë të shumta fjalët e të parëve tanë të mirë në lidhje me njohjen e thjeshtësisë dhe të gjitha ato vërtiten rreth asaj që njeriu të mos kënaqet me të dhe zbrazja e zemrës nga lidhja me të.

Imam Ahmedi -Allahu e mëshiroftë!- ka thënë: “Thjeshtësi në dynja d.m.th: shkurtimi i shpresës për jetëgjatësi.”

Shejhul Islam Ibën Tejmije -Allahu e mëshiroftë!- ka thënë: “Thjeshtësi d.m.th: lënia e çdo gjëje që nuk ke dobi prej saj në ahiret.”

Ku janë udhëtarët me zemrat e tyre për tek Allahu i Madhëruar?

Ku janë të mallëngjyerit për vendet e ngritura dhe gradat e larta?

Ku janë ata të që kanë mall për xhenetet dhe kërkojnë ahiretin?

Thjeshtësia në Kuran

Imam Ibën Kajimi -Allahu e mëshiroftë!- ka thënë: “Kurani është i mbushur me nxitje për thjeshtësi në dynja, lajmërim për kohën e shkurtër të saj, për vlerën e pakët që ka ajo dhe shkëputja e njeriut prej saj, ikjen e shpejtë të saj. Po ashtu ka përgëzimet e ahiretit, pozitën e që ajo ka, po ashtu për mos mbarimin e saj.”

Prej ajeteve të cilat nxisin në të qënët i thjeshtë në dynja:

1. Allahu i Lartësuar thotë:

" Dijeni se jeta e kësaj bote është vetëm lojë, kalim kohe në argëtim, stoli, mburrje e ndërsjellë mes jush dhe rivalitet për pasuri e fëmijë, tamam si bimësia pas shiut ku rritja e saj e kënaq bujkun; më pas ajo thahet dhe e shihni të zverdhet, pastaj ajo bëhet kashtë. Por në jetën e pastajme (është) dënim i ashpër (për mosbesimtarët e keqbërësit) dhe falje nga Allahu dhe kënaqësia e Tij (për besimtarët e mirëpunuesit). E jeta e kësaj bote është vetëm kënaqësi mashtruese." Hadid, 20.

Po ashtu Allahu i Lartësuar thotë:

" Vërtet e zbukuruar është për njerëzit dashuria për gjërat që ata i lakmojnë: gratë, fëmijët, sa më shumë ar e argjend (pasuri), kuaj të mirë e të fortë, bagëti dhe toka pjellore. Kjo është kënaqësia e jetës së kësaj bote, por Allahu ka me Vete kthim të shkëlqyer (xhenetin)." Ali Imran, 14.

Ndërsa në një ajet tjetër Allahu i Lartësuar thotë:

"Kushdo që dëshiron (nga veprat e tij) shpërblimin e jetës së pastajme, Ne ia shtojmë atij në shpërblimin e tij dhe kushdo që dëshiron shpërblimin e kësaj bote (nga veprat e tij), Ne ia japim atij prej saj dhe nuk ka më për të asnjë pjesë në jetën e përtejme." Shura, 20.

Ndërsa në një ajet tjetër Allahu i Lartësuar thotë:

 “ Thuaju: “Pak kohë është kënaqësia e kësaj bote. Bota e pastajme është tejet më e mirë për atë që ka frikë Allahun dhe juve nuk do t’ju bëhet as padrejtësia më e vogël, qoftë sa një thërrime".  Nisa, 77.

Dhe thotë:

" Jo, por ju parapëlqeni jetën e kësaj bote, edhe pse jeta e përtejme është më e mirë dhe më e gjatë." Ala, 16-17.

Hadithet të cilat flasin për thjeshtësinë në dynja

Për sa i përket haditheve të cilat flasin për thjeshtësinë në dynja dhe kohëshkurtësinë e saj apo lidhjen pas saj janë të shumta. Prej tyre:

1. Fjala e Profetit (Paqja dhe bekimi i Allahut qofshin mbi të!)  që i drejtohet Ibn Umerit -Allahu qoftë i kënaqur me të!-: "Ji në dynja si i huaj apo si udhëtar." Buhariu. 

Dhe  ka shtuar Tirmidhiu në transmetimin e tij: " Dhe konsideroje veten prej banorëve të varrit."

2. Ka thënë Profeti (Paqja dhe bekimi i Allahut qofshin mbi të!): "Dynjaja është burg për besimtarin dhe xhenet për qafirin." Muslimi.

3. Ka thënë Profeti (Paqja dhe bekimi i Allahut qofshin mbi të!) duke sqaruar: "Nuk është dynjaja në krahasim me ahiretin veçse si shembulli i ndonjërit prej jush që fut gishtin e tij në det, ndaj le të shohë se me çfarë kthehet."  Muslimi.

4. Ka thënë Profeti (Paqja dhe bekimi i Allahut qofshin mbi të!): "E ç'kam unë e dynjaja? Vërtet, shembulli im dhe shembulli i dynjasë është si shembulli i udhëtarit i cili fle nën hijen e një peme në një ditë vere pastaj shkon dhe e lë atë." Tirmidhiu dhe Ahmedi, sahih.

5. Ka thënë Profeti (Paqja dhe bekimi i Allahut qofshin mbi të!): "Nëse do të ishte dynjaja që do të peshonte (të kishte vlerë) tek Allahu sa flatra e një mushkonje nuk do t'u jepte kafirave as edhe një gllënkë ujë." Tirmidhiu, hadithi është i saktë.

6. Ka thënë Profeti (Paqja dhe bekimi i Allahut qofshin mbi të!): "Pajisu me thjeshtësi në dynja të dojë Allahu dhe ji i thjeshtë në atë çka posedojnë njerëzit që të duan ty njerëzit." Ibn Maxhe,  sahih Albani.

7. Ka thënë Profeti (Paqja dhe bekimi i Allahut qofshin mbi të!): "Është afruar Kijameti dhe nuk shtojnë njerëzit për dynja veçse vuajtje dhe nuk shtojnë prej Allahut veçse largim." Hakimi, sahih Albani.

Përgatiti: Bledar Haxhiu

01.09.2006