Përgjigja:

Vëlla i nderuar!

Ajo që ndieni tani është pothuajse normale, pasi e keni bërë një hap të rëndësishëm për veten tuaj dhe shoqërinë, por edhe mjaft të vështirë për ju, prandaj mos u mashtroni që t`i riktheheni përsëri duhanit se me këtë tregon dobësinë tuaj në betejen që jeni duke zhvilluar.

Në disa përgjigje të tjera kur kemi folur rreth armiqësisë së shejtanit ndaj njeriut kemi thënë se shejtani e sulmon njeriun dhe i vendosë atij kurthe të njëpasnjëshme në ato gjëra që ai është i dobët dhe me anë të kësaj dobësie arrin ta përvetësojë njeriun dhe ta largojë nga e vërteta.

Prandaj, vëlla i dashur, dije se sulmet e shejtanit janë të përqëndruara te ju në këtë pikë dhe nëse t’i dorëzohesh dhe i kthehesh pirjes së duhanit, atëherë dije se e ke humbur betejen me të.

Neurozën që e ndieni në këtë fazë është normale, ashtu siç e cekëm më lart, pasi ju jeni duke e lënë një gjë nga e cila keni qenë i varur dhe, padyshim, kjo krijon pakëndshmëri te ju në fillim, me kalimin e kohës kjo do të kalojë, por në pyetje është se sa jeni ju të vendosur dhe jeni në gjendje që të bëni durim.

Ne në vazhdim do të mundohemi t`i përmendim disa pika të cilat do të ju ndihmojnë  të forcoheni në vendimin e qëlluar që keni marrë.

1.Të kuptosh mirë se çfarë qëndrimi ka sheriati në çështjen e pirjes së duhanit.

Dije se dijetarët bashkohorë, pothuajse, janë unanim të gjithë se pirja e duhanit është haram dhe ajo që thuhej nga disa dijetarë pak më të hershëm se ajo është mekruh (e urryer tek Allahu i Lartësuar). Kjo ka ndodhur në kohën kur dëmet e duhanit që tani janë vërtetuar nuk kanë qenë të njohur për ta, prandaj ata edhe kanë hezituar të thonë se duhani është haram. Tani kur dëmet e duhanit janë të vërtetuar në mjekësi, pastaj se dëmi nuk është përsonal për vetëm pirësin,  por edhe për ata që janë në shoqëri me të, duke ia bashkangjitur kësaj edhe dëmet materiale që shkaktohen, atëherë është e qartë se kjo është e ndaluar.

2.Ta kuptoni dobinë që përfitoni nga lënia e duhanit dhe ky interes ju kthehet juve së pari dhe familjes tuaj.

3.Mundohuni që të gjeni njerëz që do t`ju ndihmojnë  nga largimi i saj, qoftë nga anëtarët e familjes, apo njerëz që kanë patur të njejtin problem, shokë që do t`ju këshillojnë juve.

4.Kohën në të cilën jeni tani  pas lënies së duhanit, mundohu ta kaloni duke u marrur me punë dhe aktivitete të ndryshme, si: sporti, shëtitja, punë të dobishme, që do t`ju ndalojnë nga të menduarit rreth duhanit, mundohuni të largoheni nga rutina e përditshme.

5.Sipas mjekëve juve ju preferohet që në këtë kohë të pini ujë sa më shumë, lëngje dhe  të hani sa më shumë fruta.

6.Takohuni me ndonjë mjek dhe merrni këshilla që do të ndihmojnë që ju t`i tejkaloni të gjitha problemet. Ekzistojnë disa barna që ndihmojnë të largoni nga vetja nikotinën që e keni konsumuar gjatë kohës që keni pirë duhan.

7. Mbështetuni Allahut se ai i cili i kthehet Atij, Ai nuk e humbë kurrë, shpeshtoni lutjen që Ai t`ju ndihmojë në tejkalimin e krizave dhe problemeve më të cilat ballafaqoheni.  

Alaudin Abazi

13.02.2006