Pyetja:

Jetoj në Belgjike që prej 7 vitesh dhe, elhamdulilah, më shumë se 1 vit kam filluar që  të falem. A lejohet të martohem me një vajzë që i përket fesë islame, po nuk falet?

Përgjigja:

Vëlla i nderuar!

Së pari të përshëndesim dhe të urojmë për kthimin tënd te Krijuesi. Vërtetë kjo është një begati për ty, lusim Allahun e Lartësuar të forcojë në këtë rrugë, të japë suksese në jetë dhe të të ndihmojë në përkujtimin, falenderimin dhe adhurimin e Tij.

Sa i përket pyetjes tuaj themi se nuk kemi mundësi të japim një përgjigje të prerë se bën apo nuk bën, pasi realiteti që e jetojmë na detyron të përceptojmë këtë problem në disa aspekte. Prandaj themi se nëse ju takoheni me vajzën në fjalë dhe bisedoni me të, pastaj i tregoni se kush jeni ju dhe çfarë kërkoni nga jeta dhe në këto momente mos të nxitoni, por t`i propozoni martesë asaj, por gjithashtu t`i sqaroni se ju dëshiron që partnerja e jetës tënde të jetë një grua që së pari i nënshtrohet Krijuesi të tij, i zbaton urdhërat e Tij, pastaj është përgjegjëse ndaj obligimeve të burrit dhe të tjerëve.

E ceka më lartë që mos të nxitoni në këtë, pasi ajo për të vendosur për një çështje të tillë duhet t`i jepni kohë  të mendojë dhe ta njohë Islamin pak më së afërti.