Poliandria

Pyetja:

Pasi mashkulli e ka të lejuar të martohet me më shumë se një grua, atëherë përse Islami e ndalon gruan që të ketë më shumë se një burrë?

Përgjigje:

Shumë njerëz, përfshirë këtu edhe disa muslimanë, pyesin rreth asaj se pse t’u lejohet muslimanëve të martohen më me shumë se një grua, përderisa një e ‘drejtë’  e tillë u mohohet grave. Më lejoni që ta them prerazi se drejtësia dhe paanësia është themeli i një shoqërie islame. Krijuesi i kësaj gjithësie ka krijuar mashkullin dhe femrën në formë të barabartë, mirëpo aftësitë dhe përgjegjësitë e tyre ndryshojnë, prandaj burrat dhe gratë ndryshojnë për nga ana fiziologjike dhe ajo psikologjike; roli dhe përgjegjësitë e tyre gjithashtu janë të ndryshme. Burri dhe gruaja në Islam janë të barabartë, mirëpo nuk janë të ngjashëm me atribute identike. Allahu i Plotfuqishëm në kaptinën En-Nisa tregon qartazi se me cilat gra ndalohet martesa:

“Mos u martoni me ato gra me të cilat qenë të martuar prindërit tuaj, me përjashtim të asaj që ka kaluar (para Islamit) pse ajo ishte turpësi, përbuzje e traditë e shëmtuar”1

“U janë ndaluar juve (të martoheni me): nënat tuaja, bijat tuaja, motrat tuaja, hallat tuaja, tezet tuaja, bijat e vëllaut, bijat e motrës, nënat tuaja që ju kanë dhënë gji, motrat nga gjiri, nënat e grave tuaja (vjehrrat) dhe vajzat që janë nën kujdesin tuaj e të lindura (prej tjetër babai) nga gratë tuaja me të cilat patët kontakt, e nëse nuk ken pasur kontakt me to (me gratë), atëherë s’ka pengesë (të martoheni me ato vajza), dhe (janë të ndaluara) gratë e bijve tuaj që janë të lindjes suaj (jo të bijëve të adoptuar), dhe të bashkoni (përnjeherë në një niqah) dy motra, përpos asaj që ka kaluar. Vërtet, Allahu fal shumë, është mëshirues i madh”.2

“(Nuk u lejohet të martoheni) Edhe me gra të martuara (që kanë burrat e nuk janë të lëshuara), përveç atyre që i keni futur në pushtetin tuaj (robëreshat e luftës). (Ky është) obligim mbi ju nga Allahu. U janë lejuar, pos këtyre (që u përmendën), të tjerat që t’i merrni me pasurinë tuaj (me niqah) duke pasur për qëllim bashkëshortësi e jo prostitucion. E për atë që përjetuat ju nga ato (gratë me të cilat patët kurorë), jepuani shpërblimin e tyre të caktuar se është obligim. E nuk ka pengesë për ju, pas përcaktimit (të niqahut), në atë që ju pëlqeni mes vete. Allahu është i gjithëdijshmi, i urti.”3

Pikat në vazhdim numërojnë arsyet se përse poliandria është e ndaluar në Islam:

1.  Nëse një burrë ka më shumë se një grua, prindërit e këtye fëmijëve është shumë lehtë të identifikohen. Pra, edhe babai edhe nëna njihen shumë lehtë. Në rast se një grua lidh kontratë martesore më shumë se një burrë, atëherë vetëm nëna e fëmijeve të lindur – të këtij lloji martesor – do jetë në gjendje për t’u njohur, thënë më mirë, vetëm nëna e tyre dihet, mirëpo jo prindi.

Feja islame i kushton rëndësi të jashtzakonshme njohjes së prindërve –nënës dhe babait- nga ana e fëmijëve. Psikologët tregojnë se fëmijët të cilët nuk njohin babain e tyre pësojnë trauma të rënda si dhe çrregullime mendore.

Në të shumtën e rasteve, ata në memoriet e tyre kanë një fëmijëri fatkeqe dhe shumë të trishtuar. Kjo ndodh për arsye se fëmijet e prostitutave (fëmijë bastardë) nuk kanë fëmijeri të shëndoshë. Po që se fëmija është i lindur nga një martesë e tillë dhe regjistrohet në shkollë dhe kur e ëma pyetet për emrin e babait të fëmijës, ajo do të japë më shumë se një emër!

Jam i vetëdijshëm se arritjet shkencore bashkëkohore kanë bërë të mundshëm identifikimin e të dy prindërve – të nënës dhe babait përmes asistencës së testit gjenetik. Si rrjedhojë, kjo pikë, e cila qe e zbatueshme në të kaluarën, mund të mos zbatohet në kohën që po jetojmë.

2. Mashkulli nga natyrshmëria e tij është krijuar që të jetë me poligam se gruaja.

3. Nga ana biologjike, për mashkullin është shumë më e lehtë t’i kryejë obligimet e tij si burrë, pavarësisht numrit të grave që ka.  

Një grua, me pozitë të ngjashme, e martuar me shumë burra, nuk ka mundësi të kryejë dhe të përmbushë obligimet ashtu siç i ka hije. Gruaja pëson disa ndryshime psikologjike në sjelljet e saj për shkak të fazave të ndryshme të cikleve të të përmuajshme.

4. Gruaja e cila ka lidhje martesore me shumë burra do të ketë seks me partnerë të shumtë në të njejtën kohë, ndaj dhe ka gjasa të mëdha që të marrë sëmundje ngjitëse, të cilat mund të kalojë te burri i saj, madje edhe nëse të gjithë ata (burra) nuk kanë pasur marrëdhënie jashtëmartesore. Kjo çështja nuk ka të bëjë vetëm me një burrë që ka më shumë se një grua dhe që asnjeri prej tyre të mos ketë pasur marrëdhënie seksuale jashtëmartesore. Shkaqet e sipërshënuara janë ato që identifikohen shumë lehtë. Pa dyshim se ekzistojnë shkaqe dhe arsye të tjera të cilat dëshmojnë se përse Allahu me Urtësinë e Tij Absolute e ka ndaluar poliandrinë.