9) Shembulli i munafikut

Ibn Umeri, Allahu qoftë i kënaqur me të, transmeton nga i Dërguari, lavdërimi dhe paqja e Allahut qofshin mbi të, se ka thënë: “Shembulli i munafikut (hipokritit) është sikurse shembulli i deles së lëkundur në mes të dy kopeve, herë shkon tek njëra e herë tek tjetra, nuk e di se cilën (kope) të ndjekë” Shënon Muslimi.

Hadithi flet për qortimin e nifakut (hipokrizisë) si dhe sqarimin e lëkundjes së hipokritëve dhe luhatjen e tyre, ashtu si dhe luhatjen e tyre, ashtu siç thotë edhe Allahu i Lartësuar: “Luhaten në mëdyshje, - nuk janë as me këta, as me ata.” (Nisa, 143)
Kërkojmë mbrojtje tek Allahu nga hipokrizia dhe hipokritët!

10) Shembulli i besimtarit është sikur shembulli i bimëve të njoma

Ebu Hurejra, Allahu qoftë i kënaqur me të, transmeton nga i Dërguari, lavdërimi dhe paqja e Allahut qofshin mbi të, se ka thënë: “Shembulli i besimtarit është sikurse shembulli i bimëve të njoma nga cilado anë i vjen era ato i rrotullon, kur të pushojë (era) drejtohen. Kësisoj është edhe besimtari, rrotullohet me sprova. Kurse shembulli i të shthururit është sikurse (shembulli) i pishës së drejtë, derisa Allahu ta këputë kur të dojë” Shënon Buhariu dhe Muslimi

Në hadith ka argument për sprovat e shumta që e godasin besimtarin si dhe kjo nuk e godet atë në besimin e tij, mirëpo fatkeqësitë dhe sprovat shtohen saherë që shtohet imani i besimtarit, këtë e konfirmon edhe shembulli vijues:

11) Shembulli i besimtarit sikurse shembulli i kallirit

Xhabiri, Allahu qoftë i kënaqur me të, transmeton nga i Dërguari, lavdërimi dhe paqja e Allahut qofshin mbi të, se ka thënë: “Shembulli i besimtarit është sikurse shembulli i kallirit, herë drejtohet e herë ulet (rrëzohet). Kurse shembulli i pabesimtarit është sikurse shembulli i drurit të pishës, vazhdon të qëndrojë e drejtë derisa të rrëzohet e nuk ndien” Shënon Ahmedi. Albani e cilëson sit ë saktë.

Gjithashtu nga Ebu Hurejra, Allahu qoftë i kënaqur me të, nga i Dërguari, lavdërimi dhe paqja e Allahut qofshin mbi të: “Shembulli i besimtarit është sikurse shembulli i të mbjellave, erërat nuk e lënë pa e lëkundur, ashtu që edhe besimtari goditet me sprova. Ndërsa shembulli i hipokritit është si shembulli i bimës (barishtore) së orizit, sapo e lëkund era, ajo shkulet.” Shënon Ahmedi, Tirmidhiu. Albani e cilëson si të saktë.

12) Shembulli i besimtarit kur e godet sëmundja

Abdurahman b. Ez’her, Allahu qoftë i kënaqur me të, transmeton nga i Dërguari, lavdërimi dhe paqja e Allahut qofshin mbi të, se ka thënë: “Shembulli i besimtarit kur e godet sëmundja ose temperatura është sikurse shembulli i hekurit që hyn në zjarr, i largohet zgjyra kurse i mbetet aroma e tij.” Shënon Taberani, Hakimi. Albani e cilëson si të saktë.
Në hadith ka argument për vlerën e sëmundjes si dhe ajo konsiderohet si shlyese e mëkateve.

13) Shembulli i besimtarit është sikurse shembulli i bletës dhe shufrës së arit

Ibn Umeri, Allahu qoftë i kënaqur me të dy, transmeton nga i Dërguari, lavdërimi dhe paqja e Allahut qofshin mbi të, se ka thënë: “Shembulli i besimtarit është sikurse shembulli i bletës, kur ha, ha mirë, kur vendos vendos të mirën, edhe kur të ulet në ndonjë degë, nuk e thyen. Gjithashtu shembulli i besimtarit është sikurse shembulli i shufrës së arit, nëse e fryn atë, skuqet, ndërsa nëse peshohet, nuk pakësohet” Shënon Bejhekiu. Albani e cilëson si hasen.

Në hadith ka argument për vlerën e besimtarit dhe se ai nuk pranon përveçse të mirën. Po ashtu prej tij del vetëm e mira, me fatkeqësitë që e godasin nuk i pakësohet besimi, por i shtohet me vlerën e durimit dhe kënaqësisë.