Rregullat mbi veshjen islame

 

Tre faktorë kryesorë luajnë rol shumë të rëndësishëm në imponimin e rrobave që veshim. Këta janë: moti, kultura dhe moda. Ndërrimi i rrobave bëhet në raport me ndërrimin e kohës gjatë vitit. Në disa vende ku temperaturat janë të buta, vërejmë se kultura luan rol të rëndësishëm, kurse në disa të tjera, moda më e fundit është e çmendur dhe pasohet në mënyrë të shfrenuar pavarësisht nga fakti nëse dukemi mirë apo jo.

Disa njerëz i kushtojnë rëndësi shumë të madhe veshjes, deri në atë shkallë saqë për këtë ekziston një thënie e vjetër: “Toga nuk të bën prift”. Kjo vlen që ne të marrim mësim dhe në të njëjtën kohë na e tërheq vërejtjen që të mos t’i gjykojmë njerëzit nga pamja e jashtme apo veshja. Ndoshta lexuesi do të pyesë për ndonjë rregull të veshjes sipas bazave të shëndosha të Kuranit?
Allahu i Madhërishëm thotë: “Thuaju edhe besimtareve të ndalin shikimet e tyre, të ruajnë pjesët e turpshme të trupit të tyre, të mos zbulojnë stolitë e tyre përveç atyre që janë të dukshme, le të vënë shamitë mbi kraharorin e tyre dhe të mos ua tregojnë bukuritë e tyre askujt përveç bashkëshortëve, baballarëve ose baballarëve të burrave të vet, bijve të vet ose bijve të burrave të vet, vëllezërve të vet ose bijve të vëllezërve të vet, apo djemve të motrave të veta, ose grave të tyre (që u përmendën) dhe robëreshave, të cilat i kanë në pronësinë e tyre, ose shërbëtorëve nga meshkujt të cilët nuk ndiejnë nevojë për femrat ose fëmijët që s’kanë arritur pjekurinë për gra. Le të mos kërcasin me këmbët e tyre për të zbuluar fshehtësinë nga stolitë e tyre. Pendohuni të gjithë tek Allahu, o besimtarë, në mënyrë qe të gjeni shpëtim.”¹

Edhe në ajetin vijues Allahu xh.sh. thotë:  “O ti Pejgamber, thuaju grave tuaja, bijave tuaja dhe grave të besimtarëve le të vënë shamitë e veta mbi trupin e tyre, sepse kjo është më e afërt që të njihen (që nuk janë rrugaçe) e të mos ofendohen. Allahu fal gabimet e kaluara, Ai është mëshirues.”²
Kërkohet nga ne (femrat) që të dalim nga shtëpia, t’i mbulojmë kraharorët me shami (mantel i cili e mbulon trupin në tërësi apo një mbulesë e cila mund të mbulojë kokën, qafën dhe kraharorin). Kur të flasim për zbatimin e Kuranit në kohën që po jetojmë, atëherë si qëndrojmë ne? Ne duhet të veshim rroba të gjera (jo të ngushta), në mënyrë që mos të ekspozojmë trupat tanë.
Doemos duhet ta kemi parasysh se kur të dalim në qytet, me vete të bartim përgjegjësinë e fesë, vendit dhe racës sonë, pavarësisht nëse jemi të ndërgjegjshëm për këtë gjë apo jo. Në shikim të parë, njerëzit do të na gjykojnë sipas asaj që veshim, dhe më vonë sipas sjelljeve dhe veprimeve tona. Allahu i Plotfuqishëm në Kuranin e Tij Famëlartë thotë: “O bijtë e Ademit, Ne krijuam për ju petk që ju mbulon vendet e turpshme dhe petk zbukurues. Por, petku i devotshmërisë, është më i miri. Këto janë nga argumentet e Allahut, ashtu që ata të përkujtojn딳

Është jashtëzakonisht e rëndësishme që të vishemi me rrobat dhe petkun e devotshmërisë. Ne si muslimanë, sapo dalim përjashta bartim edhe flamurin e Islamit, dhe si rrjedhim duhet të jemi patjetër të devotshëm gjatë tërë kohës, që kur të na shohin të tjerët, të dëshirojnë që të bëhen si ne dhe të pasojnë veprat e moralin tonë. Çfarë kuptojmë me nocionin mirësi?

Haxhah Liza Abdullah
Shqipëroi: Mr. Feim Dragusha
27.6.2008