Pyetja:

Es-selamu alejkum! A bën të vishen rroba të cilat përmbajnë etiketa me fjalë ose fjali në anglisht apo fanella sporti të cilat mund të kenë në shpinë mbiemrat e futbollistëve qafirë apo emrat e firmës/kompanisë që i prodhon (ose kanë dhe foto). Nëse lejohet, ku lejohet dhe ku nuk lejohet? Kjo është pyetja që më ka kërkuar një vëlla musliman i ri në Islam. Ndërsa pyetja ime është: A lejohet të kopjosh në provim? Allahu ju shpërbleftë me të mira!


Përgjigjja:

Alejkum selam ue rahmetullahi ue berekatuhu!

Falënderimet i takojnë Allahut, paqja dhe bekimet e Tij qofshin mbi të Dërguarin e Tij Muhamed, mbi familjen e tij, mbi shokët e tij dhe mbi të gjithë ata që ndjekin rrugën e tij deri në Ditën e Gjykimit.


Është pyetur shejh Feuzani në lidhje me rrobat e shkruara, se a lejohet të vishen apo jo. Ai është përgjigjur: “Nëse fjalët e shkruara kanë përmbajtje të kufrit apo shirkut apo përmbatje kundër dispozitrave të Islamit, atëherë nuk lejohet të vishen ato rroba, kurse nëse nuk kanë përmbatjte në kundërshtim me Islamin, atëherë lejohet të vishen.

Kurse sa u përket rrobave të cilat kanë foto, nuk i lejohet njeriut të veshë kësi lloj rrobash. Kurse nëse falet me to, namazi i tij është në rregull, mirëpo ai ka mëkatin e veshjes së atyre rrobave.

Sa i përket kopjimit në provime, nuk lejohet sepse Pejgamberi alejhi selam ka thënë: “Ai që na tradhton ne, nuk është prej nesh.”