Pyetja:

Djali im është 3 vjeç. Shpeshherë, kur gruaja ime fal namaz, ai bën probleme ose më mirë të themi luan lojëra të rrezikshme dhe kjo gjë ia humb përqendrimin gruas sime gjatë namazit. A është në rregull me atë namaz, pasi nuk ka kush të kujdeset për djalin gjatë asaj kohe? Allahu ju shpërbleftë!


Përgjigjja:

Falënderimet i takojnë Allahut, paqja dhe bekimet e Tij qofshin mbi të Dërguarin e Tij Muhamed, mbi familjen e tij, mbi shokët e tij dhe mbi të gjithë ata që ndjekin rrugën e tij deri në Ditën e Gjykimit.

Namazi i cili kryhet duke qenë i preokupuar me diçka ose me frikë është i pranuar, por duhet të kemi kujdes që ta rregullojmë situatën në atë formë që mos të vazhdojë mendja e bashkëshortes suaj që të jetë e lidhur me lëvizjet e djalit të vogël. Prandaj ju sugjerojmë që gruaja juaj të ndërmarrë hapa që do ta qetësojnë fëmijën tuaj dhe ajo do të arrijë ta falë namazin ashtu si duhet. Për shembull, ta mësojë që edhe ai të falet me të duke bërë të njëjtat lëvizje që bën gruaja juaj ose t`i jepni ndonjë lodër ose ndonjë ushqim të pëlqyer prej tij dhe kështu me radhë. Allahu e di më së miri!