Pyetja:

Materialet e kësaj uebfaqeje nuk mund të publikohen në uebfaqet e tjera apo të përdoren për ndonjë aktivitet botues pa pëlqimin tonë apo pa u cekur burimi (www.klubikulturor.com).
Copyright © Klubi Kulturor. Të gjitha të drejtat e rezervuara.

Sa po kushtojnë temat tek ju për me i ble, se unë ndonjëherë po marr ndonjë temë edhe po e shpërndaj e ndoshta paskam gabuar.
Ju në vend se të thoni merrni, shpërndani e botoni sa të mundeni veç me u përhap fjala e Allahut. Ndoshta e kam gabim, veç kisha pas dëshirë të ma sqaronit. Selam alejkum!
 

Përgjigjja:

   Falënderimet i takojnë Allahut, paqja dhe bekimet e Tij qofshin mbi të Dërguarin e Tij Muhamed, mbi familjen e tij, mbi shokët e tij dhe mbi të gjithë ata që ndjekin rrugën e tij deri në Ditën e Gjykimit.
   Ndoshta ju duket e padrejtë kjo që shkruan në faqen e parë te ne, por duhet ta dini se e keni keqkuptuar. Qëllimi ynë nuk është të ndalojmë shpërndarjen dhe ta kufizojmë thirrjen (davetin) me këto shkrime, në të kundërtën daveti i sa më shumë njerëzve është synimi dhe esenca e krejt punës sonë. Asnjë nga shkrimet nuk ka pasur për qëllim përfitim material apo interes tjetër.
   Por qëllimi është ruajtja e autorësisë së punimeve që publikohen në faqen www.klubikulturor.com, që ato të mos shpërndahen nëpër faqe të tjera apo edhe të fotokopjohen dhe të shpërndahen pa treguar e pa u përmendur burimi nga janë marrë, siç ka ndodhur që me shkrimet e faqeve tona të identifikohen dhe dhe të publikohen ato punime në disa faqe të tjera duke u paraqitur se janë punime të faqes së tyre. Pastaj qëllimi është edhe që të mos ndryshohet brendësia e atyre temave duke larguar ndonjë fjalë apo fjali dhe kështu t`i ndryshohet domethënia e temës.
   Prandaj themi se nëse doni të shpërndani temat që publikohen në faqen tonë, atëherë bëjeni atë dhe ju jemi mirënjohës për këtë kontribut dhe do të bëjmë lutje për ju. Por bëjeni atë duke iu referuar burimit dhe duke mos ndryshuar gjë. Allahu e di më së miri!

Alaudin Abazi
6.6.2008