Pyetja:

Es-selamu alejkum ue rahmetullahu ue baraketuhu!
Inshallah ky email ju gjen shëndosh e mirë Kisha dëshirë të shtroja një pyetje. Nëse një vajzë ka menstruacionet, por në ditën e 5-të nuk rrjedh aq shumë gjak, a mundet ajo të agjëroj? A është e lejueshme?


Përgjigjja:

Falënderimet i takojnë Allahut, paqja dhe bekimet e Tij qofshin mbi të Dërguarin e Tij Muhamed, mbi familjen e tij, mbi shokët e tij dhe mbi të gjithë ata që ndjekin rrugën e tij deri në Ditën e Gjykimit.

Nëse periudha e menstruacioneve te femra është pesë ditë, atëherë ajo duhet të presë aq kohë pa agjëruar dhe pa falur namazet, edhe nëse në ditën e fundit (të pestën) rrjedhja e gjakut është e vogël. Madje është shumë normale që në ditën e fundit rrjedhja e gjakut të jetë më e vogël, pasi femra është duke u pastruar. Allahu e di më së miri!