Pyetja:

Selam alejkum! Fal namaz që tre vite rregullisht, elhamdulilah. Kam mësuar Kuran 30 faqe. Problemi është se shoqja ime nuk dëgjon të më bashkëngjitet.


Përgjigjja:

   Falënderimet i takojnë Allahut, paqja dhe bekimet e Tij qofshin mbi të Dërguarin e Tij Muhamed, mbi familjen e tij, mbi shokët e tij dhe mbi të gjithë ata që ndjekin rrugën e tij deri në Ditën e Gjykimit.
   Edhe ne ju përshëndesim me selam alejkum dhe ju urojmë për kthimin tuaj tek Allahu i Lartësuar. Për problemin që keni, themi se ju duhet të vazhdoni ta ftoni atë dhe të mundoheni të përdorni metodat me të cilat ajo do të bindet dhe do t’i afrohet praktikës islame. Vërtet është problematike që ky ndryshim i juaji të reflektohet edhe te gruaja juaj, pasi njerëzit nuk janë të njëjtë dhe atyre u lënë përshtypje gjëra të ndryshme.
   Ndoshta hapi i parë që mendojmë se ju duhet të ndërmerrni është që të filloni një ndryshim te vetja juaj karshi gruas suaj. Bëhuni më të vëmendshëm ndaj saj, që edhe ajo të vërejë se keni ndryshuar, kuptohet për të mirë. Ju duhet të përqendroheni te çështja e kthimit të saj në Islam me bindjen dhe të kuptuarit se shpëtimi i vetëm është në Islam e jo që ajo ta bëjë këtë për të plotësuar dëshirën bashkëshortit. Më herët i jemi përgjigjur një pyetjeje të ngjashme me tuajën, prandaj ju këshillojmë të lexoni këtu:
http://www.klubikulturor.com/Me-ndihmoni-si-tia-bej.htm

Alaudin Abazi
23.5.2008