Pyetja:

Eselamu alejkum! Desha t’ju pyes a lejohet përdorimi i tamponave për të mbajtur abdestin me qëllim që të mos dalë sekrecioni i bardhë që paraqitet tek femrat. Për sa kohë mund të mbahet tamponi nëse lejohet, e kam për qëllim për sa kohe të namazeve?


Përgjigjja:

Falënderimet i takojnë Allahut, paqja dhe bekimet e Tij qofshin mbi të Dërguarin e Tij Muhamed, mbi familjen e tij, mbi shokët e tij dhe mbi të gjithë ata që ndjekin rrugën e tij deri në Ditën e Gjykimit.

Në një përgjigje të mëhershme kemi theksuar se sekrecionet e bardha te femrat e prishin abdestin, por këtu dëshirojmë të theksojmë se prishja ndodh vetëm në rast se sekrecioni tajitet jashtë organit. Kështu që nëse lëngu nuk del jashtë, atëherë nuk prishet abdesti. Prandaj nëse femra përdor tampon ose lines, të cilët vihen brenda në organ dhe me këtë rast, nëse lëngu i bardhë nuk tajitet jashtë, atëherë abdesti nuk konsiderohet i prishur, përderisa nuk nxirret jashtë tamponi.
Kurse sa i përket kohës se për sa kohë mund të përdoret tamponi, themi se kjo varet sipas nevojës. Allahu e di më së miri!