Amat al-Ghafoor bint Ishak al Dihlawi

Në fund do të sjell një shembull me një përfundim të madh të muhadithes së madhe
'joarabe' nga shekulli i 13-të . Arsyeja pse e kemi përmendur se është joarabe është sepse shumë motra mund të mendojnë se këto gra ishim të mëdha vetëm pasi ishin arabe, përkundrazi shumë nga dijetarët tanë madje edhe nga radhët e meshkujve, sikurse shembulli i Imam Buhariut, nuk kanë qenë me prejardhje arabe. Në të njëjtën mënyrë ishte muhadithja e madhe Amat al-Ghafoor bint Ishak al Dihlawi, nga Delhi i Indisë.

Babai i saj ishte një nga udhëheqësit e dijetarëve të Indisë dhe kështu që ajo mësoi nga shoqërimi i tij, duke mësuar nga shumë libra si nga hadithi, fikhu.
Babai i saj e martoi atë me një dijetar. Sa herë që burri i saj do haste në vështirësi, ai do t’i referohej për gjykim gruas së tij Amat al-Ghafoor. Lidhur me atë Al Hasani thotë: “Kur burri i saj, edhe pse vetë ishte një dijetar i madh, ballafaqohet me ndonjë vështirësi në shkencat e hadithit apo fikut, ajo do e konsultonte atë dhe do të përfitonte nga ajo.”

Vërtet, kjo është një mirësi që Allahu ia jep kujt të dojë nga robërit e Vet besimdrejtë.


Përfundim


Për hir të shkurtësisë kam përmendur vetëm disa shembuj të grave që i mësuan burrat e tyre. Megjithatë, është e domosdoshme për ne që të kemi parasysh se shtëpitë muslimane, sidomos në ditët e tyre ishin vende të intimitetit të tyre dhe bashkë kanë studiuar në mënyrë për t’i shtuar dituritë e tyre. I treguam disa shembuj që të shërbejnë si tregues i qartë se si femrat kanë kontribuar në masë të madhe për përhapjen e njohurive islamike edhe brenda shtëpisë.

Motrat tona le t’i kthejnë shembujt e nënave tona paraardhëse dhe të garojnë me burrat tanë në përfitim e njohurive, ashtu siç ka thënë Allahu: ".... Andaj ju (besimtarë) garoni për punë të mira ... " (Kur'an: Sure al Maidah, 5: 48)




 
 

Bintus Sabeel
Përkthyer nga: Ebu Muadhi
22.11.2009

 

Shënim: Kjo temë është publikuar në një rubrikë  të lirë dhe materialet që publikohen në të nuk do të thotë se përputhen kurdoherë me ato që redaksia e Klubit Kulturor i di për të vërteta.