Logjika e papërdorur dhe mendjelartësia po luan rolin kyç në dobësimin e moralit tek të rinjtë. A thua do të shuhen plagët në zemrat e nënave dhe baballarëve tanë, plagë të cilat i marrin çdo vit gjatë fundit të shkollës së mesme (gjimnazit) nga bijtë dhe bijat e tyre?!

Çdo vit ekstravaganca, lakuriqësia, muzika e palimituar shtojnë përmasat e tyre në këtë aktivitet nga mund të konkludojmë se ky aktivitet meriton "mirënjohje" si kongres i amoralitetit.

Në Kuran përmendet shpesh xheneti (parajsa). Po ashtu, përmendet edhe xhehenemi (ferri ) - me shumë emra. Kjo është kështu sepse njeriu përmendet shumë herë për cilësi të mira dhe për çdo cilësi të cekur, përmendet edhe dhurata që meriton - xheneti. Nga ana tjetër, kur përmenden cilësitë e këqija të njeriut, ceket edhe dënimi për të - xhehenemi ose dënimi me zjarr ...
Dy vitet e fundit e fundit janë bërë "përparime" në anën teorike pasi kanë hapur kursin e amoralitetit.

"Big Brother", kurs ky që rininë e ndihmon për amoralitet, lakuriqësi dhe të gjitha në gjithë aspektet e tjera amoralizuese që ata i quajnë rregullat e përparimit që në fakt janë falimentim në aspektin shpirtëror te të rinjtë.
Logjikshmëria e papërdorur dhe mendjelartësia po luan rolin kyç në dobësimin e moralit te të rinjtë.

Duke insistuar në përcjelljen e dobësisë morale botërore, rinia po ateron drejt një dekadence morale, fetare, shpirtërore dhe në aspekte të tjera të rëndësishme për një njeri që e quan veten krijesë e Allahut.
Shumica e nxënësve janë kundër disa bashkëshkollarëve të tyre, të cilët insistojnë që mbrëmjen e maturës ta festojnë në një ambient familjar me ata të cilët i rritën, i ndihmuan në shkollim, i zgjidhën problemet fëmijërore, por kundërshtimet e forta vijnë prapë nga ata jomirënjohësit, jodashamirit e prindërve të tyre nga të rinjtë e amoralizuar.

Mungesa e turpit bën gjithmonë që ai mundim i atij të riu qoftë edhe shembullor e bën atë të jetë i barabartë me një jomusliman duke ditur se Allahu të gjithëve na ka lindur musliman duke na dhënë mundësin të zgjedhim Islamin për rrugëtim jetësor dhe të fitojmë xhenetin e nëse zgjedh tjetër rrugë ta dish se e ke gabim dhe do ta fitosh si shpërblim xhehenemin. Rinia nuk po logjikon veçmas për jetën që i pret pas vdekjes, por është bërë epsharake pas jetës së kësaj bote, e cila është shumë e shkurtër…

Gjatë manifestimit të maturës pos lakuriqësisë aty është i pranishëm dhe alkooli, për të cilin Allahu në Kuran thotë: "O besimtarë! Me të vërtetë, pijet alkoolike, bixhozi, idhujt dhe shigjetat e fallit janë vepra të ndyta nga punët e djallit. Prandaj, largohuni nga këto, me qëllim që të shpëtoni! Vërtet, djalli me pije alkoolike dhe me bixhoz kërkon që të fusë midis jush armiqësi e urrejtje dhe t'ju shmangë nga të kujtuarit e Allahut dhe kryerja e namazit. Prandaj, a po hiqni dorë?" (El-Maiide: 90/91)

Pos alkoolit thyerje të kushtetutës së Allahut kemi në marrëdhënien shok dhe shoqe apo në të kundërtën. Sigurisht që turpi zë një vend të gjerë në mendjen e njeriut, por rinia po e ruan atë pasi mendon se turpi i përket të kaluarës dhe është mplakur apo është demode.

Vargut të uraganit të thyerjeve të ligjeve gjatë festimit të maturës i bashkangjitet muzika, e cila po sjell një erë të hidhur për rininë, e cila gjatë shijimit të saj nuk po e ndien të hidhurën.

Ta dini se kjo muzikë që dëgjoni pas disa muajsh do të vjetërsohet dhe do kërkoni diçka më të fundit. Ta dini se ka diçka që kurrë nuk është bërë demode kurrë, nuk ka ndryshuar, kurrë nuk do të bëhet demode dhe kurrë nuk do të ndryshojë, ajo gjëja është Kurani Famëlartë, libri i Allahut.

Ruani nderin tuaj o ju vëllezër dhe motra!

Ruajtja e nderit nuk nënkuptohet vetëm si një largim nga marrëdhëniet e jashtëligjshme, por edhe si një qëndrim i përgjithshëm i mendjes dhe i ndjenjave, duke qenë kështu një karakteristikë themelore e sjelljes së muslimanit, qoftë ai mashkull apo femër.
 
Ato plagë që kanë filluar të zgjerohen që moti në zemrat e nënave dhe baballarëve tanë nuk do të mbyllen përderisa nuk i përmbahemi ligjit të Allahut të Madhëruar sepse ligjet e Allahut sjellin kënaqësi, gëzim si në këtë botë po ashtu edhe në botën tjetër, kur do të dalim para Krijuesit tonë, Allahut të Plotfuqishëm, Mëshiruesit, Mëshirëbërësit.

Allahu në Kuran thotë: "O ju që besuat, Allahu do t'ju sprovojë me diçka nga gjahu që e arrijnë duart ose shigjetat tuaja, për t'u dalluar te Allahu ai që i frikësohet Atij në heshtje (në bazë besimi). E kush i shkel (dispozitat) pas këtij (sqarimi), ai ka dënim të dhembshëm. Jeta e kësaj bote nuk është gjë tjetër vetëm se një përjetim e mashtrim. S'ka dyshim se bota tjetër është më e dobishmja për ata që ruhen. A nuk logjikoni?"

A thua do të shuhen plagët e të dashurve tanë, që ne ua shkaktojmë?...
 

Fatlinda Orana
31.5.2009

 

Shënim: Kjo temë është publikuar në një rubrikë  të lirë dhe materialet që publikohen në të nuk do të thotë se përputhen kurdoherë me ato që redaksia e Klubit Kulturor i di për të vërteta.