Anja Karlsun është një vajzë suedeze e cila jeton në qytetin Goterborg. Njëherë ajo, duke u kthyer prej punës, u ndesh në rrugë me katër reklama e mëdha të një firme për veshje te brendshme ku manakenja e njohur gjermane Klaudia Shefer  ekspozon gjysmë lakuriqe.

Ajo hynë në njërin nga shitoret e ngjyrave, blen ngjyrë të zezë dhe e fshinë foton gjysmë lakuriqe.

Pronaret e firmës ngritën padinë për këtë akt ndaj Anjas dhe ajo u detyrua të paguaj gjobën prej 16 mijë krunë (1400 dollarë). Gjobën e mori përsipër ta paguaj një organizatë e cila u krijua për ta përmbajtur  Anjan në atë që ka vepruar.

Gjatë kësaj ngjarje Anja deklaroi: “Mundohem për një kohë te gjatë ta nxisë polemiken sa i përket çështjes se reklamave ku femra ekspozohet sikurse te jetë mall dhe shfrytëzohet për qëllime profitabile. Kam  shkruar në revista te ndryshme dhe kam organizuar tribuna, mirëpo pa sukses, por kur e kam fshirë reklamën e Klaudias nuk ka mbetur asnjë stacion televiziv, radio dhe gazete në Suedi qe nuk e ka trajtuar këtë çështje. Ajo me të cilën jam angazhuar dhe angazhohen disa organizata në shtetet e tjera është ndalimi i firmave të mëdha në shfrytëzimin e pjesëve të trupit të femrës në reklama dhe marketingje, për arsye se është një metodologji e gabuar dhe kjo do të na dërgojë në një tragjedi shoqërore.”

Atë që e ka bërë Anja Karlsun është një vepër protestuese që është bërë e njohur në shumë vende evropiane, ku shume shoqata të grave ngrenë zërin kundër keqpërdorimit te femrës për qëllime tregtare. Në Norvegji kanë arritur të ndalojnë reklamimin e veshjeve të brendshme me gra të zhveshura, duke e bindur shtetin se kjo shkakton rrezik për shoferët e automjeteve dhe mundësinë e ndodhjes se aksidenteve.                            

Në Francë ka filluar të formohen shumë organizata të femrave që luftojnë nënçmimin e gruas në reklama. Organizata “Gratë gazetare” caktojnë shpërblim për atë reklame që më pak ekspozon pjesët e trupit të femrës, pasi që i ka kapluar lakuriqësia të gjitha reklamat.

Kurse një organizatë tjetër që është krijuar, qëllimi i tyre është të ruajnë gruan nga fyerja. Në statusin e organizatës thuhet: “Reklamuesit shfrytëzojnë  fotot e trupit,  pa kurrfarë shkaku, posaçërisht trupit të femrës dhe i vendosin ato në prodhimet e tyre me pretendim të kreativitetit, kështu që neve na u imponohen vlerat e tyre, ne i refuzojmë të gjitha ato  gjëra që e ulin vlerën e gruas për arsye se trupi i saj nuk është mall dhe ne nuk do t’i blejmë prodhimet e tyre.

    Përktheu: Alaudin Abazi   

03.03.2007