Klubi Kulturor

Kjo pyetje është publikuar në faqen elektronike www.islam-qa.com pas ngjarjes kur është fyer Muhamedi salallahu alejhi ue selem dhe flet rreth vlerës së këtij njeriu të madh dhe çfarë kërkohet prej nesh.

Pyetja:

Ne kemi dëgjuar për perëndimorë që kanë dëfryer dhe janë tallur me Pejgamberin, paqja dhe shpëtimi i Allahut qoftë mbi të. Cili duhet të jetë qëndrimi ynë ndaj kësaj? Si ka mundësi ta mbrojmë Pejgamberin, paqja dhe shpëtimi i Allahut qoftë mbi të?

Përgjigjja:

   Falënderimi i qoftë Allahut! Së pari, ne dhe çdo musliman i cili është krenar me fenë e tij jemi të mërzitur për atë se çka kanë bërë këta të marrë dhe kriminelë duke u tallur me Pejgamberin tonë Muhamed, paqja dhe shpëtimi i Allahut qoftë mbi të, i cili është njeriu më i mirë që kurdoherë ka ecur në këtë tokë dhe është lider i gjeneratave të hershme dhe të mëvonshme, paqja dhe shpëtimi i Zotit qoftë mbi të.
   Fyerja nga ana e tyre nuk është diçka e çuditshme, përkundrazi duhet të pritet prej tyre. Për më shumë, ky krim – edhe pse i thyen zemrat tona dhe i mbush ato me hidhërim, e ne jemi të përgatitur që t’i sakrifikojmë jetët tona në mbrojtje të të Dërguarit të Allahut, paqja dhe shpëtimi i Allahut qoftë mbi të, – nuk është diçka më shumë përveç asaj na sjell lajm të gëzueshëm për fundin e tyre dhe na tregon se fundi i epërsisë së tyre është në prag. Allahu thotë (interpretimi i domethënies): “S’ka dyshim se Ne të mjaftojmë ty kundër atyre që tallen” [El-Hixhr 15:95]
   Allahu do t’i mjaftojë Pejgamberit të Tij, paqja dhe shpëtimi i Allahut qoftë mbi të, kundër kriminelëve që u tallën me të. Ai thotë (interpretimi i domethënies): “E s’ka dyshim se urrejtësi yt (O Muhamed صلى الله عليه وسلم), ai do të ndërpritet (do të jetë farësosur dhe do të ndërpritet prej çdo të mire në këtë botë dhe në botën tjetër).” [El-Keuther 108:3]
   D.m.th. ai do të jetë i neveritur dhe i poshtëruar dhe do të ndërpritet (pengohet) prej tërë asaj që është e mirë. Kur muslimanët rrethonin një fortifikatë dhe populli i saj rezistonte, pastaj ata i dëgjonin duke u tallur dhe duke sharë Pejgamberin, paqja dhe shpëtimi i Allahut qoftë mbi të, ata ndjenin se fitorja ishte në prag dhe nuk shkonte shumë kohë para se t’u dhuronte Allahu atyre fitore, që të hakmerren për të Dërguarin e Tij, paqja dhe shpëtimi i Allahut qoftë mbi të. (El-Sarim el-Meslul, f. 116-117). Ka shumë raste historike kur ata që e kanë fyer Pejgamberin, paqja dhe shpëtimi i Allahut qoftë mbi të, janë shkatërruar dhe kanë marrë fund.

Pse e fyejnë ata udhëheqësin e njerëzimit, Muhamedin, paqja dhe shpëtimi i Allahut qoftë mbi të?

   Ata e fyejnë atë për arsye se ai i thirri njerëzit në njëshmërinë e Zotit (teuhid) dhe sepse ata nuk besojnë se Zoti është Një (i vetëm).
Ata e fyejnë të Dërguarin, paqja dhe shpëtimi i Allahut qoftë mbi të, për arsye se ai e nderon Zotin e tij, qoftë i bekuar dhe i lavdëruar Ai, dhe deklaroi se Ai është larg asaj çka këta fabrikues thonë, pasi ata i përshkruan Atij grua dhe djalë.
   Ata e fyejnë atë për arsye se ai i ftoi njerëzit në moral të lartë dhe që ta braktisin moralin e ulët. Ai i ftoi në virtyte dhe që të bllokohen të gjitha rrugët që të dërgojnë në amoralitet, por ata dëshirojnë çrregullim të moralit dhe liri të pakufishme seksuale. Ata dëshirojnë që të kënaqen në moçalin e tekave dhe të epsheve dhe e kanë marrë atë që kanë dëshiruar.
   Ata e fyejnë atë për arsye se ai është i Dërguari i Allahut. Allahu, qoftë i Lartmadhëruar, është Ai i Cili e ka zgjedhur atë mbi të gjithë njerëzimin, që të përcjellë mesazhin dhe ta pranojë shpalljen e Tij.

Mrekullitë e pejgamberllëkut të tij janë të panumërta

A nuk kanë dëgjuar ata për ndarjen e Hënës?
A nuk kanë dëgjuar ata se si buroi uji prej gishtave të tij kohë pas kohe?
A nuk kanë dëgjuar ata për mrekullinë më të madhe të tij, që është Kurani i Shenjtë, fjala e Zotit të botëve, të cilën Allahu e ka mbrojtur në mënyrë që mos të ngatërrohet prej atyre të cilët kishin për ta shtrembëruar? Ku janë librat e tyre që i janë shpallur Pejgamberëve të tyre, të cilët janë ndryshuar shumë?
“Është shkatërrim për ata që me duart e veta e shkruajnë librin, e pastaj thonë: “Ky është prej Allahut!” E për të arritur me të një fitim të paktë, pra është shkatërrim i madh për ta çka shkruan duart e tyre dhe është shkatërrim i madh për ta ajo çka fitojnë.” [El-Bekare 2:79]

   Fakti më i madh i vërtetësisë së Pejgamberit tonë Muhamed, paqja dhe shpëtimi i Allahut qoftë mbi të, është fakti se feja e tij ka vazhduar për kaq shumë shekuj duke qenë ngadhënjyese dhe fitimtare. Për gjatë jetës së tij, paqja dhe shpëtimi i Allahut qoftë mbi të, vazhdoi të triumfojë mbi armiqtë e tij. Mençuria e Allahut dikton se asnjë gënjeshtar i cili gënjen për Të dhe për fenë e Tij nuk ka mundësi të mbizotërojë për ndonjë kohë të gjatë. Në të vërtetë, në librat e tyre, që dijetarët e tyre i fshehën dhe i ndryshuan, thuhet se gënjeshtari i cili rrejshëm pohon të jetë Pejgamber do të qëndrojë vetëm për 30 vite apo ashtu, pastaj mesazhi i tij do të fiket.
   Është transmetuar për njërin prej mbretërve të tyre, se një njeri i cili e pasonte fenë sikurse ai (fenë e krishterë) i është sjellë atij, i cili e ka pasur zakon ta fyejë Pejgamberin, paqja dhe shpëtimi i Allahut qoftë mbi të, dhe e akuzonte atë për gënjeshtër. Mbreti i mblodhi dijetarët e tij fetarë dhe i pyeti ata: -Sa ka mundësi që një gënjeshtar të qëndrojë? Ata thanë: -Kaq dhe kaq- 30 vite apo aty pari.
   Mbreti tha: -Kjo fe e Muhamedit ka zgjatur për më shumë se 500 apo 600 vite [d.m.th. në kohën e mbretit] dhe po triumfon dhe po pranohet dhe po pasohet. Si ka mundësi që ai të jetë gënjeshtar? Atëherë ai ia hoqi kokën atij njeriu. (Sherh el-Akideh el-Eshafanijeh prej Shejh el-Islam Ibn Tejmijah, Allahu e mëshiroftë atë.)
   A nuk e dinë ata se shumë prej njerëzve të ditur dhe mbretër të tyre, kur thirrja e pastër dhe e qartë e Islamit u arriti atyre, nuk patën tjetër zgjedhje por ta konfirmojnë të vërtetën e kësaj feje dhe ata e nderuan Pejgamberin, paqja dhe shpëtimi i Allahut qoftë mbi të, dhe shumë prej tyre shfaqën hyrjen e tyre në Islam?
   Mbreti i Abisinisë, Nexhashiu (Negusi), e konfirmoi atë dhe u bë musliman. Kur Pejgamberi, paqja dhe shpëtimi i Allahut qoftë mbi të, i dërgoi një letër Herakliut, mbretit të Bizantit, duke e thirrur atë në Islam, Herakliu pohoi se ai me të vërtetë ishte Pejgamber dhe ai mendoi ta shfaqë Islamin e tij dhe dëshiroi të shkonte tek i Dërguari, paqja dhe shpëtimi i Allahut qoftë mbi të, dhe të bëhej shërbëtor i tij, por pati frikë se populli i tij do ta vriste, kështu që qëndroi kafir dhe vdiq në atë gjendje.

Shumë bashkëkohës të tyre ende po e nderojnë të Dërguarin Muhamed, paqja dhe shpëtimi i Allahut qoftë mbi të

   Majkel Hart në librin e tij Të 100-ët: Renditja e personave më me ndikim në histori (f. 13), kur e vendosi Muhamedin, paqja dhe shpëtimi i Allahut qoftë mbi të, në krye të listës së të njëqindëve tha: “E kam zgjedhur Muhamedin, paqja dhe shpëtimi i Allahut qoftë mbi të, që të jetë në krye të listës... për arsye se Muhamedi, paqja dhe shpëtimi i Allahut qoftë mbi të, ka qenë i vetmi njeri në histori i cili ka qenë lartësisht i suksesshëm në të dy nivelet, atë fetar dhe jofetar.”

   Anglezi Xhorxh Bernard Show shkroi një libër me titull Muhamedi, i cili u dogj prej autoriteteve britanike. Ai tha: “Bota ka një nevojë të madhe për një njeri me mentalitetin e Muhamedit. Kisha mesjetare, përmes injorancës së fanatizmit, e përshkroi Muhamedanizmin me ngjyra të errëta. Në realitet, ata ishin të ushtruar që ta urrejnë Muhamedin dhe se ai ishte për ata anti-Krisht. Por unë e kam studiuar jetën e tij dhe e kam gjetur të jetë i jashtëzakonshëm. Unë kam arritur vendim se ai asnjëherë nuk ka qenë një armik i Krishterimit. Ai duhet të quhet Shpëtuesi i Njerëzimit. Unë besoj se një person si ai po ta kishte marrë (në dorë udhëheqjen) e botës moderne, ai kishte për të pasur sukses në zgjidhjen e problemeve të tyre, në një mënyrë që do të sillte më shumë paqe dhe lumturi, e cila është e nevojshme.”

   Annie Besant ka thënë: “Është e pamundur për ndonjërin i cili e studion jetën dhe karakterin e Pejgamberit madhështor të Arabisë, që e di se si ka folur dhe si ka jetuar, që të ndiejë diçka tjetër për atë Pejgamber madhështor përveçse nderim, njëri prej të Dërguarve madhështor të më të Lartit.”

   Austriani Shabrak ka thënë: “Njerëzimi ka mundësi të jetë krenar që ka një njeri si Muhamedi në mesin e vet. Megjithëse ka qenë analfabet, ai ka pasur mundësi 10 shekuj më parë që të paraqesë një legjislacion që ne evropianët do të ishim më të lumturit po të kishim mundësi të krijojmë diçka të barabartë, me një vlerë të tillë të lartë.”

   Dr. Zwemer (orientalist kanadez): “Muhamedi ka qenë një reformist i aftë, orator dhe folës i mirë, trim dhe guximtar, mendimtar i mrekullueshëm. Ne nuk mund t’i përshkruajmë atij diçka tjetër që i kundërshton këto cilësi. Këtë Kuran, që ai e solli, dhe historia e tij dëshmojnë për të vërtetën e këtyre pohimeve.”

   Filozofi anglez Tomas Keljle, fituesi i Çmimit Nobel, në librin e tij Heronjtë thotë: “Është turp për ndonjë individ në këtë epokë që të dëgjohet ai që thotë se feja islame është fabrikim dhe se Muhamedi është fabrikues i pabesë. Përgjatë jetës së tij ne e shohim se ai ka përmbajtur besim të paluhatshëm, i sinqertë në vendosje, bujar dhe i butë, i mëshirshëm, i pastër, i virtytshëm, shumë serioz. Pavarësisht nga kjo, ai ka qenë tolerant, i gëzueshëm, i shoqërueshëm dhe nganjëherë edhe gazmor. Ai vetëm se ka qenë i sinqertë në qëllim, i mençur, kalorësiak dhe i shkathët, sikurse bart në zemrën e tij llambën e çdo nate të errësuar, të mbushur me dritë. Në mënyrë natyrore njeri madhështor, i cili asnjëherë nuk ka studiuar në shkollë apo prej ndonjë mësuesi, për arsye se ai nuk kishte nevojë për të.”

   Gëte, poet gjerman, ka thënë: “Ne evropianët me të gjitha konceptet dhe idetë tona ende nuk e kemi arritur atë që ka arritur Muhamedi dhe askush nuk do t’ia kalojë atij. Unë kërkova në histori për shembullin më të lartë për ta pasuar dhe e gjeta atë te Pejgamberi Muhamed. E vërteta duhet të ngadhënjejë dhe të bëhet supreme, për arsye se Muhamedi pati sukses ta nënshtrojë tërë botën përmes mesazhit të njëshmërisë hyjnore.”

   Nëse është kështu, atëherë e tërë bota – pa ndonjë alternativë – duhet ta ketë parasysh madhështinë e Muhamedit, paqja dhe shpëtimi i Allahut qoftë mbi të, në mesin e të gjitha krijesave përmbi të gjitha madhështitë, virtytin e tij mbi të gjitha virtytet dhe pozitën e tij si më madhështore sesa e ndokujt tjetër. Bota duhet të bashkohet në të besuarit e mesazhit të Muhamedit, paqja dhe shpëtimi i Allahut qoftë mbi të, dhe se ai është Pejgamberi i Fundit i Allahut.
   Ne duhet ta shfrytëzojmë shumë këtë rast për t’i thirrur në Islam këta njerëz, se çka duart e tyre mëkatare kanë fabrikuar nuk mund të fshihet përveçse me Islam. Por nëse ata janë kryeneçë dhe këmbëngulin në rrugën e tyre, atëherë le ta marrin lajmin e dënimit të xhehenemit, që të jetojnë në të përgjithmonë. Allahu thotë (interpretimi i domethënies):
“Ai që i përshkruan Zotit shok, Allahu ia ka ndaluar (ia ka bërë haram) atij xhenetin dhe vendi i tij është zjarri. Për mizorët (politeistët dhe keqbërësit) nuk ka ndihmës." [Al-Maide, 5:72]
“E kush kërkon fe tjetër përveç fesë islame, atij kurrsesi nuk do t’i pranohet dhe ai në botën tjetër është nga të dëshpëruarit.” [Ali Imran, 3:85]
   Pejgamberi, paqja dhe shpëtimi i Allahut qoftë mbi të, ka thënë: “Pasha Atë në dorën e të Cilit është shpirti i Muhamedit, askush prej këtij populli, jehuditë apo të krishterët, (të cilët) dëgjojnë për mua dhe vdesin duke mos besuar në atë me të cilën jam dërguar, përveçse ai do të jetë njëri prej njerëzve të zjarrit.” Transmetuar prej Muslimit (153).

Së dyti, Allahu është i Mençur dhe nuk cakton diçka që është saktësisht e keqe, por se duhet të jetë diçka e mirë në të për robërit e Tij besimtarë, pa marrë parasysh se sa e keqe u duket njerëzve. I Dërguari, paqja dhe shpëtimi i Allahut qoftë mbi të, tha të vërtetën kur tha: “Sa e mrekullueshme është gjendja e besimtarit, se të gjitha punët e tij janë të mira. Nëse ndonjë e mirë e gjen atë, ai është falënderues për atë dhe kjo është mirë për të; nëse ndonjë e keqe i ndodh atij, ai e bart atë me durim dhe kjo është mirë për të. Kjo nuk i adresohet dikujt tjetër përveçse besimtarit.” Transmetuar prej Muslimit (2999).
   Në lidhje me incidentin e shpifjes (el-ifk), që është e njohur, Allahu thotë (interpretimi i domethënies): “Ju mos e merrni atë (shpifja që ka ndodhur) si ndonjë dëm për ju, përkundrazi, ajo do të jetë në dobinë tuaj. Secilit prej tyre do t’i takojë dënimi sipas pjesëmarrjes në mëkat, e atij prej tyre që e barti pjesën e madhe (të shpifjes), i takon dënimi i madh.” [Nur, 24:11]
   Në vijim janë disa gjëra të mira që kanë ardhur si rezultat i këtij krimi mëkatar:
-Ajo që ka qenë e fshehur në zemrat e këtyre kriminelëve, si për shembull fyerja dhe urrejtja ndaj muslimanëve, është bërë e ditur, edhe pse ata paraqiteshin tërë kohën sikur janë të paqes.
-“Urrejtja kundër jush duket nga gojët e tyre, por ajo që fshehin në gjokset tyre është edhe më e madhe.” [Ali Imran, 3:118]
-Dalja në shesh e dyfytyrësisë së Perëndimit. Këtu ata cekin lirinë e të menduarit, por çdo njeri i mençur e di se kjo e ashtuquajtur liri e të menduarit duhet të ndalet para se të shkelet shenjtëria e të tjerëve dhe të kalohen kufijtë ndaj tyre. Ata gënjejnë në pohimet e tyre për lirinë e të menduarit. Ne të gjithë e dimë se çka ndodhi para disa viteve kur një qeveri vendosi t’i shkatërrojë idhujt në atë vend. Atje pati britma! Ç’thua për këtë të ashtuquajtur liri të të menduarit? Pse nuk e konsiderojnë këtë si liri të menduarit?
-Demonstratat e gënjeshtrës se çka disa perëndimorë thonë në vendet tona: “Mos i thirrni mosbesimtarët qafirë, por thirrini ndryshe, për të mos nxitur flakën e problemeve ndërmjet nesh dhe atyre.”
-Por çdonjëri duhet ta kuptojë se kush është ai që po i urren të tjerët dhe që nuk po e respekton shenjtërinë e tjetrit dhe që po i shpall luftë tjetrit çdoherë kur i vjen rasti.
-Pabesia e të pohuarit të tyre, me të cilat ata kanë mbushur botën, domethënë dialogu i civilizimeve që është i bazuar në respekt ndaj të tjerëve dhe që të mos t’i shkelësh të tjerët. Çfarë dialogu dëshirojnë ata?! Çfarë respekti pohojnë ata se po tregojnë? Ata dëshirojnë që ne t’i respektojmë dhe t’i nderojmë ata, derisa edhe t’i përkulemi dhe t’u bëjmë sexhde dhe e tëra që ata bëjnë është të na përqeshin dhe të na nënçmojnë dhe të na bëjnë edhe më shumë padrejtësi.
-E ka përtërirë besimin në zemrat e muslimanëve. Falënderimi i qoftë Allahut! Ne kemi parë reagimet e muslimanëve, që jep për të kuptuar për një besim të rrënjosur thellë në zemrat e tyre dhe për gjerësinë e dashurisë së tyre për Pejgamberin, paqja dhe shpëtimi i Allahut qoftë mbi të. Madje edhe ata që i kanë lënë anash disa obligime fetare u hodhën për ta mbrojtur të Dërguarin tonë fisnik, paqja dhe shpëtimi i Allahut qoftë mbi të.
-E ka bashkuar umetin. Falënderimi i qoftë Allahut, ne kemi parë solidarizim në mesin e muslimanëve, të cilët kanë adoptuar të njëjtin qëndrim, me gjithë dallimeve në vendet dhe gjuhët e tyre.
-Është bërë e qartë se Perëndimi po rigrupohet kundër Islamit. Sapo ai shtet kërkoi ndihmë prej aleatëve të tij, ata të gjithë u ngritën në këmbë për ta ndihmuar atë shtet dhe kriminelët e nxitën njëri-tjetrin për t’i publikuar këto foto në gazetat e tyre, në mënyrë që muslimanët ta dinë se ata janë së bashku të gjithë dhe se ne nuk kemi mundësi t’i konfrontojmë ata.
-Disa prej muslimanëve ishin të etur që t’i thërrisnin këta njerëz në Islam dhe t`u tregonin atyre pamjen e vërtetë të kësaj feje. Ne kemi parë muslimanë duke bërë gara për të publikuar libra në gjuhët e këtyre njerëzve, në mënyrë që luspat të bien prej syve të tyre dhe ata të shohin qartazi.
-Efektiviteti i bojkotit musliman ndaj prodhimeve të atyre që e sulmuan të Dërguarin e Allahut, paqja dhe shpëtimi i Allahut qoftë mbi të, është vërtetuar. Popujt e tyre nuk iu përgjigjën asnjë kërkese zyrtare apo politike, derisa as në instanca të larta, por nuk kaluan vetëm se disa ditë para se gazeta e cila kishte qenë në gabim dhe botuesi i saj të kërkojnë falje dhe të ndryshojnë tonin e tyre, kështu që muslimanët e zbutën qëndrimin e tyre disi.
-Kjo duket të jetë një armë e re e muslimanëve, që ata kanë mundësi ta përdorin për të pasur ndikim dhe për t’i dëmtuar armiqtë e tyre.
-Një mesazh i qartë i është dërguar Perëndimit: se ne muslimanët asnjëherë nuk do të pranojmë që feja jonë të fyhet ose të poshtërohet apo të bëhet çfarëdo sulmi kundër të Dërguarit tonë, paqja dhe shpëtimi i Allahut qoftë mbi të. Ne të gjithë do ta sakrifikojmë veten për të.

   Së treti, sa për rolin tonë në tërë këtë, ne duhet ta refuzojmë atë fuqishëm. Secili prej nesh, sipas mundësive të tij, duke i dërguar letra dhe tema, apo duke u telefonuar qeverive të tyre, ministrive të punëve të jashtme dhe gazetave.
   Ne duhet të kërkojmë që ata të na kërkojnë falje të sinqertë dhe të qartë. Ne nuk dëshirojmë ndonjë kërkim faljeje për atë se kanë treguar mosrespekt ndaj muslimanëve, por më saktësisht ne kërkojmë që ata ta pranojnë gabimin dhe të kërkojnë falje për atë gabim.
   Ne duhet të kërkojmë prej tyre që ata t’i dënojnë kriminelët për atë krim. Ne gjithashtu duhet të kërkojmë prej tyre që ata t’i ndalin qeveritë e tyre të bëjnë sulme ndaj Islamit dhe muslimanëve.
   Ne duhet të përkthejmë libra që bëjnë thirrje në Islam në gjuhët e këtyre njerëzve dhe libra të cilat tregojnë për Islamin, për Pejgamberin e tij dhe për biografinë e tij.
   Ne duhet të blejmë kohë në radio dhe në programe televizive për ta mbrojtur Pejgamberin, paqja dhe shpëtimi i Allahut qoftë mbi të, që duhet të mbahet prej njerëzve të aftë dhe të pajisur me dituri të mirë themelore, që dinë të flasin bindshëm ndaj Perëndimit. E, të tillë ka shumë, falënderimi i takon Allahut.
   Ne duhet të shkruajmë tema me fjalë të fuqishme, që të publikohen nëpër revista, gazeta dhe ueb faqe në gjuhë të ndryshme.
Në lidhje me bojkotimin e prodhimeve të tyre, nëse bojkotimi do të ketë ndikim tek ata, e kështu ndodhi, atëherë pse mos t’i bojkotojmë ata dhe t’u drejtohemi kompanive që mbahen prej muslimanëve?
   Ne duhet të rezistojmë kundër këtij sulmi djallëzor ndaj Islamit dhe Pejgamberit të tij, duke nxjerrë në pah bukurinë e Islamit dhe faktin se është sipas mendjes së shëndoshë dhe t’u përgjigjemi argumenteve të çuditshme të kriminelëve.
   Ne duhet t’i përmbahemi Sunetit dhe ta pasojmë udhëzimin e Pejgamberit, paqja dhe shpëtimi i Allahut qoftë mbi të, në të gjitha gjërat dhe të kemi durim gjatë kryerjes së tyre.
   “Po në qoftë se ju bëheni të durueshëm dhe ruheni (mëkateve), dinakëria e tyre nuk do t’u dëmtojë aspak.” [Ali Imran, 3:120]
   Ne duhet të përpiqemi t’i thërrasim këta njerëz, edhe nëse i shikojmë ata përmes prizmit të urrejtjes dhe të nënçmimit. Ne gjithashtu i shikojmë ata edhe me keqardhje, për arsye se ata së shpejti do të vdesin dhe do të jenë prej banorëve të zjarrit, nëse vdesin në këtë gjendje. Pra, ne duhet t’i thërrasim ata në Islam dhe shpëtim prej mëshirës dhe keqardhjes sonë ndaj tyre.
   Ne e lusim Allahun që të bëjë që feja e Tij të ngadhënjejë dhe t’i ndihmojë miqtë e Tij të afërt dhe t’i poshtërojë armiqtë e Tij.
“Allahu është mbizotërues i punës së vet, por shumica e njerëzve nuk e dinë (fshehtësinë e çështjeve).” [Jusuf, 12:21]
Paqja dhe shpëtimi i Allahut qoftë mbi Pejgamberin tonë, Muhamedin.
Dhe Allahu e di më së miri.

Skender Gashi
Burimi: www.islam-qa.com
21.3.2008

Materiale te tjera

Vitrina e librit

Desktop Poster

Webfaqe Islame

Abonohu

Kursi Islam

Dëgjo Kur'an

Për ty motër

Na shkruani