Pyetja:

Pyetja ime është: Disa njerëz urojnë Bajramet para faljes së Bajramit në xhami. A është në rregull kjo dhe cila është etika e urimit gjatë festave?

 

Përgjigjja:

Falënderimet i takojnë Allahut, paqja dhe bekimet e Tij qofshin mbi të Dërguarin e Tij Muhamed, mbi familjen e tij, mbi shokët e tij dhe mbi të gjithë ata që ndjekin rrugën e tij deri në Ditën e Gjykimit!

Në lidhje me urimin e festës së Bajramit nuk ekziston ndonjë hadith që nxit apo përshkruan mënyrën se si duhet të bëhet dhe kur fillon urimi. Ajo që kemi në këtë është praktika e cila përcillet nga disa shokë të Profetit, lavdërimi dhe paqja qofshin mbi të, të cilët ia uronin njëri-tjetrit Bajramin me lutjen: “Allahu na i pranoftë neve dhe juve adhurimet!”[1]

Sido që të jetë, nga vetë natyra e kësaj feste dhe veprave që preferohen të kryhen në atë ditë mund të kuptojmë se koha e urimit të kësaj feste fillon pas faljes së namazit të Bajramit. Zoti e di më së miri!

Alaudin Abazi

[1] Këtë e përmend Ibën Haxheri në “Fet`hul Bari” dhe Albani në “Temamul Mineh”, që të dy e vlerësojnë të saktë zinxhirin e transmetuesve.